ایم کیوایم کے قائد جناب الطاف حسین کی ایم کیوایم کی رابطہ کمیٹی کے رکن اور صوبہ پنجاب کےنگراں میاں عتیق سے ٹیلی فون پر گفتگو

لندن ۔۔28ستمبر 2014ء 

متحدہ قومی موومنٹ کے قائد جناب الطاف حسین نے ایم کیوایم کی رابطہ کمیٹی کے رکن ، صوبہ پنجاب کے نگراں اور سی ای سی کے رکن میاں عتیق سے ٹیلی فون پر گفتگو کر تے ہوئے ملک کی تازہ ترین صورتحال پر تفصیلی تبادلہ خیال کیا ۔جناب الطاف حسین نے میاں عتیق کو اپنے تازہ ترین لکھے جانے والے 14سوالات پر مبنی مزیدحقائق سے آگاہ کیا کہ کب کب اور کس کس دور میں ایم کیوایم کے مرد حضرات تو کجا بعض ماں، بہن اور بیٹیوں کے ساتھ جو سلوک دوران آپریشن کیا گیا اس کی تفصیلات سے بھی آگا ہ کیا ۔جناب الطا ف حسین نے میاں عتیق کو ہدایت کی کہ وہ صوبہ پنجاب کے نگراں بھی ہیں اور رابطہ کمیٹی کے رکن بھی ہیں لہٰذا میں آپ کے توسط سے پنجاب میں موجود تمام الیکٹرونک وپرنٹ میڈیا کے مدیر ان کے علم میں یہ بات لانا چاہتا ہوں کہ انہیں ٹی وی ٹاک شو میں کراچی رابطہ کمیٹی سے اجازت لینے کی ضرورت نہیں ہے ۔ انہوں نے کہا کہ میاں عتیق کی سربراہی میں پنجاب میں آج ہی ایک کمیٹی بنادی جائے گی جس سے آج ہی تما م الیکڑونک وپرنٹ میڈ یا کو آگاہ کر دیا جائے گا ،جس کے بعد آپ اور دیگر ارکان کو پنجاب کے ہر ضلع سے ٹی وی ٹاک شو میں مدعو کیا جاسکے گا ۔