پنجاب ۽ آزاد ڪشمير ۾ طوفاني برساتن، لينڊ سلائينڊنگ، سيلاب ۽ مختلف حادثن جي نتيجي ۾ وڏي جاني و مالي نقصان ٿيڻ تي ايم ڪيو ايم جي قائد جناب الطاف حسين جي طرفان افسوس جو اظهار.
لنڊن؛ 5 سيپٽمبر؛2014
متحده قومي موومينٽ جي قائد جناب الطاف حسين پنجاب ۽ آزاد ڪشمير ۾ طوفاني برساتن، لينڊ سلائيڊنگ، سيلاب ۽ ٻين حادثن ۾درجنين ماڻهن جي هلاڪ و زخمي ٿيڻ ۽ قيمتي ملڪيتن جي نقصان ٿيڻ تي وڏي ڏک ۽ افسوس جو اظهار ڪيو آهي. انهن فرمايو ته ايتري وڏي تعداد ۾ ماڻهن جون هلاڪتون ۽ ملڪيتن جو نقصان ٿيڻ هڪ سانحو آهي جنهن تي جيترو به افسوس ڪيو وڃي اهو گهٽ آهي.انهن وفاقي حڪومت، پنجاب حڪومت ۽ آزاد ڪشمير جي حڪومت کان مطالبو ڪيو ته ان تباهي سان متاثر ٿيندڙ ماڻهن جي نقصانن جي ازالي جي لاءِ هنگامي بنيادن تي قدم کنيا وڃن ۽ سيلاب زده ماڻهن کي محفوظ هنڌن تي منتقل ڪيو وڃي. جناب الطاف حسين ايم ڪيو ايم ۽ ان جي فلاحي اداري ڪي ڪي ايف جي ذميوارن کي چيو ته اهي پنهنجي طاقت جي مطابق متاثره ماڻهن جي مدد ڪن. انهن هلاڪ ٿيندڙ ماڻهن جي پونئرن سان دلي تعزيت ۽ همدردي جو اظهار ڪيو ۽ فرمايو ته ڏک جي ان گهڙي مون سميت ايم ڪيو ايم جا تمام ڪارڪنَ اوهان جي ڏک ۾ برابر جا شريڪ آهن.