ايم ڪيو ايم رابطا ڪميٽي جي طرفان سکر ۾ چونڊ جلسي کان پوءِ گهرن ڏانهن موٽندڙ ايم ڪيو ايم جي ڪارڪنن کي پوليس جي طرفان گرفتار ڪرڻ جي سخت ترين لفظن ۾ مذمت.

ڪراچي: 30 آڪٽوبر 2015 

                     متحده قومي موومينٽ جي رابطا ڪميٽي سکر ۾ ٿيندڙ جلسي کان پوءِ پنهنجن گهرن ڏانهن موٽندڙ ايم ڪيو ايم جي ڪارڪنن کي پوليس جي طرفان گرفتار ڪرڻ جي سخت ترين لفظن ۾ مذمت ڪئي آهي. پنهنجي هڪ مذمتي بيان ۾ رابطا ڪميٽي چيو ته پي پي جي ڪارڪنن ايم ڪيو ايم جي پرامن ريلي کي روڪي ڪري نعري بازي ڪئي ۽ ڪارڪنن کي گهٽ وڌ به ڳالهايو پر پوليس سنڌ حڪومت جي اشاري تي ابتڙ اسان جي ئي 21 بي گناھ ڪارڪنن کي گرفتار ڪري ورتو آهي ۽ پوليس جا اعلٰي آفيسر اسان جي حق پرست نمائندن سان تعاون ڪرڻ کان به ڪيٻائي رهيا آهن. انهن چيو ته سکر  پوليس ايم ڪيو ايم سکر يونٽ 15 اي جي ڪارڪنن نعمان ٻنڌاڻي، شيري فرحان ٻنڌاڻي، اويس ٻنڌاڻي، رضوان، تاج محمد ٻڻڌاڻي، عبدالرحمٰن ٻنڌاڻي، عبدالسلام ٻنڌاڻي، دانش ٻنڌاڻي، سميع خان ٻنڌاڻي، يونٽ 7 اي جي ڪارڪنن عمر دين، اويس، فهيم، ايم ڪيو ايم روهڙي سيڪٽر جي ڪارڪن شفاعت حسين، وقار قريشي، علي رضا قريشي،ذيشان قريشي، يوسي 1 جي ڪارڪن اشرف، يوسي 17 جي ڪارڪن نفيس عباسي ۽ يوسي 4 جو ڪارڪن منٺار شامل آهن. رابطا ڪميٽي چيو ته پي پي جي طرفان اسان جي بي گناھ ڪارڪنن جي گرفتاري ثابت ڪري ڇڏيو آهي ته ڪراچي وانگر سنڌ ۾ به باطل قوتون ايم يڪو ايم ۽ جناب الطاف حسين جي مقبوليت کان خوفزده آهن ۽ طاقت جي زور تي ايم ڪيو ايم کي ڌٻائڻ چاهين ٿيون. رابطا ڪميٽي وزير اعظم ميان نواز شريف، وفاقي وزير داخلا چوڌري نثار علي خان ۽ اليڪشن ڪميشن کان مطالبو ڪيو ته اهي طاقت جي زور تي اسان جي سياسي سرگرمين کي روڪڻ ۽ ڪارڪنن جي گرفتاري جو سختي سان نوٽس وٺن ۽ اسان جي بي گناھ ڪارڪنن کي فوري طور تي آزاد ڪيو وڃي.

*****