جيو جي ٽيم تي ٿيندڙ حملو کليل دهشت گردي آهي جنهن جي جيتري به مذمت ڪئي وڃي اها گهٽ آهي. قائد تحريڪ جناب الطاف حسين.
انهن جيو جي سيٽلائيٽ انجنيئر ارشد علي جعفري جي هلاڪت تي دلي افسوس ۽ زخمي ٿيندڙ ڊرائيور محمد انيس سان همدردي جو اظهار به ڪيو.
لنڊن: 9 سيپٽمبر 2015
متحده قومي موومينٽ جي قائد جناب الطاف حسين ڪراچي ۾ جيو جي ڊي ايس اين جي وين تي دهشت گردن جي حملي جي واقعي جي سخت ترين لفظن ۾ مذمت ڪئي آهي ۽ ان واقعي ۾ جيو جي سيٽلائيٽ انجنيئر ارشد علي جعفري جي هلاڪت تي وڏي افسوس جو اظهار ڪيو آهي. پنهنجي هڪ بيان ۾ جناب الطاف حسين فرمايو ته جيو جي ٽيم تي ٿيندڙ حملو کليل دهشت گردي آهي جنهن جي جيتري به مذمت ڪئي وڃي اها گهٽ آهي. انهن مطالبو ڪيو ته ان واقعي ۾ ملوث دهشت گردن کي گرفتار ڪري عبرتناڪ سزا ڏني وڃي. انهن دهشت گردي جي ان واقعي ۾ جيو نيوز جي سمورن اينڪر پرسنن، رپورٽرن، ڪيميره مينن ۽ ٽيڪنيشنز سميت سموري اسٽاف سان مڪمل همدردي ۽ يڪجهتي جو اظهار ڪيو ۽ دعا ڪئي ته الله تعالٰي ارشد علي جعفري شهيد جي مغفرت فرمائي.انهن کي جنت الفردوس ۾ اعلٰي مقام عطا فرمائي ۽ پونئرن کي صبر جميل عطا فرمائي. آمين. انهن زخمي ٿيندڙ ڊرائيور محمد انيس سان دلي همدردي جو اظهار ڪيو ۽ انهن جي صحتيابي جي لاءِ دعا به ڪئي.
*****