سنڌ اسيمبلي جي حق پرست ميمبرن جي طرفان ڪراچي ۾ پبلڪ ٽرانسپورٽ جي ڪراين ۾ ڪمي نه ڪرڻ تي وڏي ڳڻتي جو اظهار.

سنڌ اسيمبلي جي حق پرست ميمبرن جي طرفان ڪراچي ۾ پبلڪ ٽرانسپورٽ جي ڪراين ۾ ڪمي نه ڪرڻ تي وڏي ڳڻتي جو اظهار.
ڪراچي؛ 2 جنوري 2015
             سنڌ اسيمبلي جي حق پرست ميمبرن پيٽرول جي قيمتن ۾ ڪمي ٿيڻ جي باوجود پبلڪ ٽرانسپورٽ ايسوسي ايشن جي طرفان پبلڪ ٽرانسپورٽ جي ڪراين ۾ ڪمي نه ڪرڻ تي وڏي ڳڻتي جو اظهار ڪيو آهي. پنهنجي هڪ بيان ۾ انهن چيو ته ٽرانسپورٽ مافيا ڪراچي جي شهرين کي ٻنهي هٿن سان لٽڻ ۾ مصروف آهي ۽ ڪراين ۾ ڪمي نه ڪرڻ کي سي اين جي جي قيمتن ۾ ڪمي ڪرڻ سان مشروط ڪري رهي آهي جيڪا سراسر زيادتي آهي. انهن وڌيڪ چيو ته  صوبائي عهديدارن جي ملي ڀڳت سان ٽرانسپورٽ مافيا ناقص گيس سلينڊر به استعمال ڪري رهي آهي. جنهن جي ڪري شهرين جي جان هر وقت خطري ۾ رهي ٿي. انهن چيو ته ڪراچي جي شهرين کي تعصب جي ور چاڙهيو ويو آهي ۽ انهن کي 30 سالن کان مسلسل ايم ڪيو ايم کي ووٽ ڏيڻ جي سزا ڏني پئي وڃي. انهن چيو ته ٽرانسپورٽ مافيا پنهنجو قبلو درست ڪري نه ته ڪراچي جا شهري پنهنجا فيصلا ڪرڻ ۾ آزاد هوندا.انهن وزير اعظم ميان نواز شريف، وزير اعلٰي سنڌ سيد قائم علي شاھ ۽ صوبائي وزير ٽرانسپورٽ ممتاز جاکراڻي کان مطالبو ڪيو ته اهي ٽرانسپورٽ مافيا جي زيادتين جو فوري طور تي نوٽس وٺن ۽ ڪراين ۾ فوري طور تي ڪمي ڪرائين.