MQM Missing Workers

ایم کیوایم کے لاپتا کارکنان کی بازیابی ،ڈبل کیبن گاڑیوں میں سوارسادہ لباس اہلکاروں کی جانب سے کارکنان کی غیرقانونی وغیرآئینی گرفتاریوں اور دوران حراست انہیں ماورائے عدالت قتل کے تیزی سے بڑھتے ہوئے واقعات کیخلاف متحدہ قومی موومنٹ کے زیراہتمام جمعے کے روز ملک بھرمیں ذمہ داران وکارکنان اورہمدردعوام کی جانب سے بھرپور احتجاج ریکارڈکرایاگیا۔

ایم کیوایم کے لاپتا کارکنان کی بازیابی ،ڈبل کیبن گاڑیوں میں سوارسادہ لباس اہلکاروں کی جانب سے کارکنان کی غیرقانونی وغیرآئینی گرفتاریوں اور دوران حراست انہیں ماورائے عدالت قتل کے تیزی سے بڑھتے ہوئے واقعات کیخلاف متحدہ قومی موومنٹ کے زیراہتمام جمعے کے روز ملک بھرمیں ذمہ داران وکارکنان اورہمدردعوام کی جانب سے بھرپور احتجاج ریکارڈکرایاگیا۔

متحدہ قومی موومنٹ کی جانب سے لاپتا کارکنان کی بازیابی اور کارکنان کے ماورائے عدالت قتل کے خلاف ملک بھرکے پریس کلب کے باہر زبردست احتجاجی مظاہرے کئے گئے ۔

متحدہ قومی موومنٹ کی رابطہ کمیٹی نے ایم کیوایم قصبہ علی گڑھ سیکٹر کے دو لاپتہ کارکنان قاسم علی شاہ اور محمد علی خان کے حراست کے دوران ماورائے عدالت قتل اور گزشتہ دنوں مسلح دہشت گردوں کی فائرنگ سے شدید زخمی ہونے والے ایم کیوایم لیبر ڈویژن واٹر اینڈ سیوریج بورڈ کے کارکن ارشد حسین نقوی کی شہادت کی سخت ترین الفاظ میں مذمت کی ہے 

متحدہ قومی موومنٹ کی رابطہ کمیٹی کے رکن اور قومی اسمبلی میں ایم کیوایم کے پارلیمانی لیڈر ڈاکٹر فاروق ستار نے وفاقی وصوبائی حکومت سے کہاہے کہ آئین کی بالادستی ، قانون کی حکمرانی کو قائم کیاجائے اور آئین کی جن شقوں کی خلاف ورزی ہورہی ہے اسے روکاجائے یہ ہمارا مطالبہ بھی ہے ، انتبا اور وارننگ بھی ہے۔انہوں نے کہاکہ ایم کیوایم کے کارکنان کی بازیابی کیلئے پریس کلب پر کئے جانے والے مظاہرے کو ٹریلر سمجھاجائے کیونکہ کل فلم بھی چل سکتی ہے ۔ آئین کی شق 4، 9، 10، 14کیلئے ہم احتجاجی مظاہرہ کررہے ہیں اور اس آئین کو عملی طور پر لیپٹ کر رکھ دیا گیا ہے آج ہم وفاقی و صوبائی حکومتوں سے مطالبہ کرتے ہیں کہ وہ کارکنان کی بازیابی اورسادہ لباس اہلکاروں کی جانب سے کارکنان کی غیرقانونی گرفتاریوں اورماورائے عدالت قتل کے واقعات روکنے کیلئے عملی اقدامات کرے۔ 

ایم کیو ایم برطانیہ کے انچارج ڈاکٹر سلیم دانش اور ارکین آرگنائزنگ کمیٹی نے صدر پاکستان ممنون حسین، وزیراعظم نواز شریف، چیف جسٹس آف سپریم کورٹ تصدق حسین جیلانی اور چیف آف آرمی اسٹاف جنرل راحیل شریف سے اپیل کی ہے کہ وہ سندھ کے شہری علاقوں بالخصوص کراچی میں انسانی حقوق کی سنگین خلاف ورزیوں کا فوری نوٹس لیں۔ 

متحدہ قومی موومنٹ کے زیراہتمام کل بروزجمعہ ملک بھرمیں پریس کلبوں کے باہرپرامن احتجاجی مظاہرے کیے جائیں گے۔ایم کیوایم کے اعلامیے کے مطابق ایم کیوایم کے تمام لاپتہ کارکنان کی فی الفوربازیابی،بغیرشناخت ونمبرپلیٹ ڈبل کیبن گاڑیوں میں سوارسادہ لباس اہلکاروں کی جانب سے ایم کیوایم کے ذمہ داران وکارکنان اور ہمدردوں کی غیرقانونی وغیرآئینی گرفتاریوں اورانہیں لاپتہ کرکے ماورائے عدالت قتل کے انتہائی ظالمانہ واقعات کے خلاف ایم کیو ایم کی اپیل پرکل بروزجمعہ ملک بھرکے تمام پریس کلبوں کے باہرپرامن احتجاجی مظاہرے کیے جائیں گے جس میں ایم کیوایم کے ذمہ داران، کارکنان ،ہمدردعوام اورمختلف شعبہ ہائے زندگی سے وابستہ افرادہاتھوں میں احتجاجی بینرز،پلے کارڈتھام کرشرکت کریں گے ۔

* متحدہ قومی موومنٹ کے زیراہتمام بغیرشناخت کی ڈبل کیبن گاڑیوں میں سوار سادہ لباس اہلکاروں کے ہاتھوں ایم کیوایم کے کارکنان کی غیر قانونی اور بلاجواز گرفتاریوں اور انہیں لاپتہ کرنے کے خلاف جمعرات کی شام پریس کلب کے باہر زبردست پرامن احتجاجی مظاہرہ کیا گیا ۔ 

 متحدہ قومی موومنٹ کے زیراہتمام 17اپریل بروز جمعرات سہ پہر 4بجے کراچی پریس کلب کے باہر بھر پور پرامن احتجاجی مظاہرہ کیا جائیگا ۔ مظاہرے میں بغیر نمبر پلیٹ کی ڈبل کیبن گاڑیوں میں سوار سادہ لباس اہلکاروں کے ہاتھوں ایم کیوایم کے کارکنان کی غیر قانونی گرفتاریوں ، انہیں لاپتہ کئے جانے ، ماورائے عدالت قتل اورسرکاری حراست میں انسانیت سوز تشدد کا نشانہ بنانے کے خلاف زبردست احتجاج ریکارڈ کرایاجائے گا ۔

متحدہ قومی موومنٹ کے ارکان صوبائی اسمبلی نے سادہ لباس اہلکاروں کے ہاتھوں ایم کیوایم کے کارکنان کی مسلسل گرفتاریوں ، ماورائے عدالت قتل ، انہیں لاپتہ کئے جانے اور کراچی میں اردو بولنے والے پروفیشنلز کے بہیمانہ قتل کے واقعات کی سخت ترین الفاظ میں مذمت کی ہے اور کہا کہ ہے کہ مذکورہ واقعات سے ثابت ہوچکا ہے کہ کراچی میں دہشت گردوں کے بجائے ایم کیوایم اور اس کے کارکنان کو سیاسی انتقام کا نشانہ بنایاجارہا ہے۔ 

متحدہ قومی موومنٹ کی رابطہ کمیٹی نے کراچی کے مختلف علاقوں میں پولیس اور قانون نافذ کرنے والے دیگر اداروں کی جانب سے ایم کیوایم کے ذمہ داروں ،کارکنان اورہمدردوں کے گھروں پر غیرقانونی چھاپوں اور گرفتاریوں کی سخت ترین الفاظ میں مذمت کی ہے ۔ 

متحدہ قومی موومنٹ کی رابطہ کمیٹی نے بغیر رجسٹریشن اور نمبر پلیٹ ڈبل کیبن گاڑیوں میں سوار سادہ لباس اہلکاروں کے ہاتھوں ایم کیوایم کے کارکنوں کی غیر قانونی گرفتاریوں ،انہیں سرکاری حراست میں بہیمانہ تشدد کا نشانہ بنانے ، کارکنان کے ماورائے عدالت قتل ، درجنوں کارکنوں کو گرفتار کرنے کے بعد لاپتا کئے جانے اور پروفیشنلز کو چن چن کر قتل کرنے کے واقعات کے خلاف اور ان میں ملوث عناصر کے خلاف قانونی چارہ جوئی کیلئے 17، اپریل بروز جمعرات کو کراچی اور 18اپریل بروز جمعہ کو ملک بھر میں پرامن مظاہروں کا اعلان کردیا ہے