پاکستان کے معروف فزیشن اور سابق صوبائی وزیر پروفیسر ایس ایم رب کے انتقال پر ایم کیوایم کے قائد الطاف حسین کااظہار افسوس
مرحوم کی طب کے شعبہ میں خدمات نمایاں رہی ہیں ، الطاف حسین
لندن۔۔۔15، ستمبر2014ء
متحدہ قومی موومنٹ کے قائد جناب الطاف حسین نے پاکستان کے معروف فزیشن اور سابق صوبائی وزیر پروفیسر ایس ایم رب کے انتقال پر گہرے دکھ اور افسوس کااظہار کیا ہے ۔ ایک تعزیتی بیان میں انہوں نے کہاکہ مرحوم کی طب کے شعبہ میں خدمات نمایاں رہی ہیں ۔انہوں نے مرحوم کے سوگوار لوحقین سے دلی تعزیت وہمدردی کااظہار کرتے ہوئے کہاکہ دکھ کی اس گھڑی میں مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔ جناب الطاف حسین نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور سوگواران کو صبرجمیل عطا کرے ۔ (آمین)