ایم کیو ایم رابطہ کمیٹی کا خدمت خلق فاؤنڈیشن کے مرکزی دفتر میں شدید بارش و سیلاب سے متاثرہ عوام کے لئے قائم امدادی کیمپ کا دوہ

کراچی ۔۔۔6ستمبر2014ء

متحدہ قومی موومنٹ کے قائد الطاف حسین کی خصوصی ہدایت پر خدمت خلق فاؤنڈیشن کی جانب سے صوبہ سندھ، صوبہ پنجاب کے مختلف اضلاع سمیت ملک بھر میں جاری شدید بارشوں اور سیلاب سے متاثرہ عوام کے لئے امدادی سرگرمیوں کا آغاز کردیا گیا ہے ۔ اس سلسلے میں ایم کیو ایم کی رابطہ کمیٹی کے ارکان احمد سلیم صدیقی اورمیاں عتیق نے فیڈرل بی ایریا میں واقع کے کے ایف کے مرکزی دفتر میں قائم کردہ امدادی کیمپ کا دورہ کر کے وہاں موجود امدادی ساما ن کا معائنہ کیا اورکے کے ایف کے رضاکاران کو جناب الطاف حسین کا پیغام پہنچایا ۔ اس موقع پر ایم کیو ایم کی صوبائی تنظیمی کمیٹی پنجاب کے انچارج ارشاد ظفیر، میڈیکل ایڈ کمیٹی کے انچارج فاروق جمیل ، خدمت خلق فاؤنڈیشن کے رضاکاران اور دیگر ان کے ہمراہ تھے۔