رابطہ کمیٹی کے رکن وحق پرست رکن سندھ اسمبلی اشفاق منگی کا بلدیاتی افسران کے ہمراہ ملیرمیں بارش سے متاثرہ علاقوں کاتفصیلی دورہ

کراچی ۔۔۔2، اگست2014ء 

متحدہ قومی موومنٹ کی رابطہ کمیٹی کے رکن وحق پرست رکن سندھ اسمبلی اشفاق منگی نے بلدیاتی افسران کے ہمراہ ملیرمیں بارش سے متاثرہ علاقوں کاتفصیلی دورہ کیااورشہریوں سے ملاقات کرکے ان کے مسائل معلوم کئے ۔اس موقع پرشہریوں نے نکاسی آب اورجگہ جگہ قائم کچرے ڈھیروں اوران سے اٹھنے والے تعفن سے پیداہونیوالی صورتحال سے آگاہ کیا۔اشفاق منگی نے ملیرمیں نکاسی آب اورجگہ جگہ جمع کچرے کے ڈھیروں کاسختی سے نوٹس لیتے ہوئے موقع پرموجودمتعلقہ محکمے کے افسران کوہدایت جاری کی کہ وہ ملیرمیں نکاسی آب اور کچرے کے ڈھیروں اٹھانے کے لئے ہنگامی بنیادوں پراقدامات کریں اوراس میں کسی بھی قسم کی کوتاہی نہ برتیں۔اشفاق منگی نے حکومت سندھ سے بھی مطالبہ کیاکہ شہریوں کوصحت وصفائی کی سہولیات کی فراہمی اوربلدیاتی اداروں کی کارکردگی کوبہتربنانے کے لئے فوری طورپربلدیاتی انتخابات کی تاریخ کااعلان کیاجائے۔