حیدرآباد سٹی میں صفائی ،ستھرائی اور نکاسی آب کی ناقص صورتحال کے باعث شہری شدید تکالیف میں مبتلا ہیں ،سید وسیم حسین

حیدرآباد۔۔۔26 ،جولائی ،2014ء

حیدرآباد سٹی میں صفائی ، ستھرائی اور نکاسی آب کی ناقص صورتحال کے باعث شہری شدید تکالیف میں مبتلا ہیں ۔ان خیالات کا اظہار حق پر ست رکن قومی اسمبلی سید وسیم حسین نے بلدیہ اعلیٰ حیدرآباد سٹی کے افسران سے میٹنگ کے دوران صفائی، ستھرائی کی ناقص صورتحال پر اظہارِ برہمی کرتے ہوئے کیا۔ انہوں نے کہا کہ ماہ صیام کا آخری عشرہ چل رہا ہے اور عیدالفطر کی آمد آمد ہے لیکن حیدرآبادسٹی گندگی کے ڈھیروں کا نمونہ بنا ہوا ہے اور ماہ رمضان کے مودس مہینے میں عوام کو اللہ تعالی کی عبادت سمیت روز مرہ کے دنیاوی معاملات میں بھی شدید مشکلات کا سامنا کرنا پڑرہا ہے لیکن متعلقہ ادارے کے افسران کی بے حسی برقرار ہے۔انہوں نے کہا کہ حیدرآباد قائدِ تحریک جناب الطاف حسین کے چاہنے والوں کا شہر ہے اور حیدرآبادکے مسائل کے حل کیلئے حق پرست نمائندے ہمہ وقت کوشاں ہیں اور بلاتفریق عوامی خدمت کو عین عبادت سمجھتے ہیں اورحیدرآباد کے مسائل کے حل سے چشم پوشی کرنے والے نااہل افسران کو ہم کسی بھی صورت برادشت نہیں کر یں گے ۔انہوں نے کہا کہ محکمہ بلدیہ اعلیٰ حیدرآباد کیافسران حیدرآباد سٹی میں صفائی ،ستھرائی کی صورتحال کو بہتر بنانے کیلئے اپنی تمام تر صلاحیتوں کوبروئے کار لائیں اور شہر سے کچرے اور سیوریج کے پانی کی صفائی کو عملاً یقینی بنائیں ۔