ایم کیوایم کے قائدجناب الطاف حسین کا جمرود میں شدت پسندوں کی جانب سے سیکورٹی فورسز قافلے پرحملے کے واقعہ پراظہار مذمت
پاک افواج جس بہادری سے شمالی وزیر ستان میں شدت پسندوں کو ناکام بنا رہی ہے اس پرپوری قوم اورایم کیوایم افواج پاکستان کے ساتھ ہے
جمرودمیں دہشت گردوں کے حملے میں شہیدہونے والے سیکورٹی اہلکاروں کے لواحقین سے اظہارتعزیت
شہداء کی مغفرت اورسوگواران کے صبرجمیل کے لئے دعا
لندن ۔۔۔18جولائی2014ء
متحدہ قومی موومنٹ کے قائد جناب الطاف حسین نے جمرودمیں شدت پسندوں کی جانب سے سیکورٹی فورسز کے قافلے پر حملے کی سخت ترین الفا ظ میں مذمت کی ہے اور حملے میں متعدد سیکورٹی اہلکاروں کے شہید وزخمی ہونے پر گہرے دکھ افسوس و اظہار کیاہے۔ ایک بیان میں جناب الطاف حسین کہاکہ پاک افواج جس بہادری کے ساتھ شمالی وزیر ستان کے تمام علاقوں میں جنگ کے دوران شدت پسندوں کو ناکام بنا رہی ہے اس پرپوری قوم افواج پاکستان کے ساتھ ہے اوران کے شانہ بشانہ ہے۔جناب الطاف حسین نے جمرودمیں دہشت گردوں کے حملے میں شہید ہونیو الے تمام سیکورٹی ا ہلکاروں کے سوگوار اہل خانہ سے دلی تعزیت وہمدردی اظہار کر تے ہوئے انہیں صبر کی تلقین کی ۔ انہوں نے شہید ہونے والے اہلکاروں کی مغفرت ،ان کے درجات کی بلندی کے لئے دعاکی کہ اللہ تعالیٰ تمام شہداء کوجنت الفردوس میں اعلیٰ مقام عطا فرمائے اور سو گوار لواحقین کو یہ صدمہ برادشت کرنے کا حوصلہ دیں ۔آمین