امامیہ اسٹو ڈ ینٹس آرگنائزیشن کے وفد کی ایم کیو ایم رابطہ کمیٹی کے رکن عبد الحسیب سے خورشید بیگم سیکریٹریٹ میں ملاقات

کراچی ۔۔۔9جولائی2014ء

امامیہ اسٹو ڈینٹس آرگنائزیشن کے کراچی ڈویژن کے عہدیداران میثم عابدی اور صابر کربلائی کی قیادت میں ابرار مہدی ، محمد عابدی اور فداعباس پر مشتمل پانچ رکنی وفد نے خورشید بیگم سیکریٹریٹ عزیزآباد میں متحدہ قومی موومنٹ کی رابطہ کمیٹی کے رکن عبدالحسیب سے ملاقات کی اورکراچی شہر کی سیاسی صورتحال اور مذہبی ہم آہنگی کے امور پر تبادلہ خیال کیا گیا ۔ اس موقع پر حق پرست رکن قومی اسمبلی مزمل قریشی اور ایم کیو ایم کی علماء کمیٹی کے ذمہ داران بھی موجود تھے ۔ وفد سے گفتگو کرتے ہوئے عبد الحسیب نے کہا کہ جناب الطاف حسین نے ملک سے انتہا ء پسندی کے خاتمے اور مذہبی ہم آہنگی کے فروغ کیلئے جدو جہد کی ہے اور ہمیشہ آپس میں پیار ، محبت اور برداشت کے ساتھ رہنے کا درس دیا ہے یہی وجہ ہے کہ ایم کیوا یم میں تمام مکاتب فکر ، مذاہب ،فرقوں اور مسالک سے تعلق رکھنے والے افراد اتحا د و یکجہتی کے ساتھ رہتے ہیں ۔ اس موقع امامیہ اسٹوڈینٹس آرگنائزیشن کے وفد نے مذہبی ہم آہنگی کے فروغ اور ملک سے انتہا ء پسندی کے خاتمے کے لئے جناب الطاف حسین کے کردار کو سراہتے ہوئے انکے لئے نیک خواہشا ت اور دعائیں کیں ۔ ملاقات کے دوران آئی ایس او کے وفد نے ایم کیو ایم رابطہ کمیٹی کے رکن عبد الحسیب کو یوم القدس میں شرکت کی دعوت دی ۔