حق پرست ارکان سندھ اسمبلی محمد حسین اور عظیم فاروقی کی سینئر بزرگ سیاستدان معراج محمد خان اور پاکستان مسلم لیگ (ن) سندھ کے صدر نہال ہاشمی سے ملاقاتیں، مسلح افواج سے اظہار یکجہتی کیلئے جلسے میں شرکت کی دعوت دی

کراچی۔۔5جولائی 2014ء

قائد تحریک جناب الطاف حسین کی ہدایت پرحق پرست اراکین سندھ اسمبلی محمد حسین، شہراز وحید اور عظیم فاروقی نے سینئر بزرگ سیاستدان معراج محمد خان اور پاکستان مسلم لیگ (ن) سندھ کے صدر نہال ہاشمی سے ان کی رہائشگاہوں پر علیحدہ علیحدہ ملاقاتیں کیں اور انہیں ایم کیو ایم کے تحت 6جولائی کو پاکستان کی مسلح افواج سے اظہار یکجہتی کے لئے منعقد ہونے والے اجتماع میں شرکت کی عوت دی۔ ملاقات میں محمد حسین اور عظیم فاروقی نے معراج محمد خان اور نہال ہاشمی سے گفتگو کرتے ہوئے کہاکہ6جولائی کوجناح پارک کے تاریخی میدان میں دہشت گردی اوردہشت گردوں کے خلاف ایک تاریخی جدوجہدکاعملی آغازہوگا۔ انہوں نے کہاکہ پاک فوج دہشت گردوں کے خلاف ایک فیصلہ کن جنگ لڑرہی ہے اور اس جنگ میں پاک فوج کے کئی جوان اور افسران اپنی جانوں کے نذرانہ پیش کررہے ہیں اور اب وقت آیا گیا ہے کہ عوام پاک فوج کے ساتھ شانہ بشانہ کھڑے ہو کراس کے ہاتھ کو مضبوط کرے۔ معراج محمد خان اور نہال ہاشمی نے ایم کیوایم کے قائد جناب الطاف حسین کا شکریہ ادا کیا اور مسلح افواج سے یکجہتی کیلئے جلسے کے انعقاد کا خیر مقدم کرتے ہوئے اپنی جانب سے مکمل تعاون کی یقینی دہانی کرائی۔