ایم کیوایم کے خلاف غیر آئینی وغیر قانونی اقدامات پورے اداروں کا نہیں رینجرز ،پولیس کے چند متعصب اہلکاروں کا ذاتی فعل ہے، الطاف حسین

لندن ۔۔۔3جولائی2014ء

متحدہ قومی موومنٹ کے قائد الطاف حسین نے کراچی پریس کلب میں منعقدہ تقریب کے دوران ایک صحافی کے سوال کا جواب دیتے ہوئے کہا کہ رینجرز، پولیس اور دیگر سیکورٹی اداروں کی جانب سے ایم کیو ایم کے کارکنان کی جبری گرفتاریوں ، ماورائے عدالت قتل اور لاپتہ کئے جانے کے غیر آئینی و اغیر قانونی اقدامات رینجرز، پولیس سمیت کسی سیکورٹی ادارے کا فعل نہیں ہے اور نہ ہی ایم کیوایم کی جانب سے کسی سیکورٹی ادارے کو ذمہ دار نہیں ٹھہرایا جاتا بلکہ ایم کیو ایم کے کارکنان کے خلاف اس قسم کے غیر آئینی اقدامات رینجرز اور پولیس میں موجود صرف چند متعصب عناصر کا ذاتی فعل ہے ۔