رکن قومی اسمبلی محترمہ طاہر ہ آصف کے سفاک قاتلوں کو فی الفور گر فتار کیا جائے، الطاف حسین

لندن ۔۔2جولائی 2014ء 

متحدہ قومی موومنٹ کے قائد جناب الطاف حسین نے حکومت سے مطالبہ کیا ہے کہ حق پرست رکن قومی اسمبلی محترمہ طاہر ہ آصف کے سفاک قاتلوں کو فی الفور گر فتار کیا جائے اور اس کھلے قتل کی واردات کو کوئی اور رنگ دینے کی ساز ش نہ کی جائے ۔انہوں نے یہ مطالبہ منگل کی شام ایم کیوایم انٹر نیشنل سیکریڑیٹ لندن میں ایک اجلاس سے اپنی گفتگو میں کیا جس میں ایم کیوایم رابطہ کمیٹی کے سینئر ڈپٹی کنوینر ندیم نصرت ، اراکین رابطہ کمیٹی طارق جاوید،محمد انور، طارق میر ،محمد اشفاق ،عامر خان ،مصطفی عزیز آبادی ،واسع جلیل،قاسم علی رضاایم کیوایم شعبہ خواتین کی انچارج محترمہ صفیہ اکبر، اراکین شعبہ خواتین اورانٹر نیشنل سیکر یٹریٹ کے اراکین نے بھی شرکت کی ۔جناب الطاف حسین نے کہا کہ حق پرستانہ جدوجہد کی پاداش میں گزشتہ تین برسوں میں ایم کیوایم کے تین اراکین اسمبلی کو سفا ک دہشت گردوں نے شہید کیا اور 18جون کو لاہور میں حق پرست رکن قومی ا سمبلی محترمہ طاہر ہ آصف کو دن دہاڑے گولیاں مار ی گئیں لیکن نہ تو ہمار ے دیگر ساتھیوں کے قاتل گرفتا ر ہوئے اورنہ ہی محترمہ طاہر ہ آصف کے قاتل آج تک گرفتار ہوئے ہیں ۔انہوں نے کہا کہ محترمہ طاہر ہ آصف شہید صرف ایم کیوایم کی رکن قومی اسمبلی ہی نہیں تھیں بلکہ ہم سب کی پیار ی بہن بھی تھیں ۔آج بھی محبتیں اور ان کا خلوص ہمارے دلوں میں زندہ ہے اور انشاء اللہ ان کا خون اور ان کی قربانی رائیگا ں نہیں جائیگی ۔اس موقع پر جناب الطا ف حسین نے محترمہ طاہر ہ آصف شہید کی مغفر ت او رسوگوارلواحقین کو صبر جمیل کیلئے خوش الحانی سے فاتحہ خوانی بھی کرائی ۔جناب الطاف حسین نے دعا کی کہ اللہ تعالیٰ تمام حق پرست شہداء کی مغفر ت فرمائے ، ان کی قربانیوں کو قبول فرمائے اور ملک سے غربت ،افلاس ،دہشت گردی اور بیر وز گاری جیسے مسائل کا خاتمہ کرے ۔انہوں نے اس موقع پر آپر یشن ضر ب عضب کی کامیابی کیلئے بھی دعا کرائی اور آپر یشن میں مصروف فوج کے افسران ا ورجوانوں کو ان کی کاوشوں او رقربانیوں پر زبر دست خراج تحسین پیش کیا۔جناب الطاف حسین نے گزشتہ دنوں مختلف واقعات میں شہید ہونے والے ایم کیوایم کے کارکنوں اور ایم کیو ایم کے ہمدرد او رسینئر پریس فوٹو گرافر محمد ناصر کی والدہ مرحومہ کیلئے بھی دعائے مغفرت کی ۔