شمالی وزیرستان میں جاری آپریشن ’’ضرب عضب ‘‘ دہشت گردوں کا خاتمہ اور ملک کی ترقی و خوشحالی کی راہیں کھلیں گی ،انچارج و اراکین لیبر ڈویژن

کراچی ۔۔۔۔یکم ،جولائی2014ء

ایم کیوایم لیبر ڈویژن کے انچارج کاظم رضا اور اراکین نے کہا کہ شمالی وزیرستان میں جاری آپریشن ضرب عضب سے دہشت گردوں کا صفایا ہوگا اور ملک کی استحکام اور ترقی و خوشحالی کی راہیں کھلیں گی ۔ اپنے مشترکہ بیان میں انہوں نے کہاکہ ایم کیوایم کے تحت6جولائی بروز اتوار کو افواج پاکستان سے اظہار یکجہتی کا جلسہ پاکستان کی تاریخ کا سب سے بڑا جلسہ ہوگا جبکہ شمالی وزیرستان میں جاری آپریشن ’’ضرب عضب ‘‘ سے دہشت گردوں کی روح تک کانپ اٹھی ہے اور اس آپریشن میں دہشت گردوں سے مقابلے میں پاک فوج کے جوانوں کی شہادت کے بعد بھی پاک افواج کے حوصلے بلند سے بلند تر ہے ۔انہوں نے کہا کہ آپریشن ’’ضرب عضب ‘‘ میں دہشت گردوں کے خاتمے کے بعد پاکستان امن کا گہوارہ بن جائیگا ۔انہوں نے تمام محنت کش تاجروں ،ٹرانسپورٹرز ، مزدوروں،مختلف اداروں کی یونین اور مختلف اداروں کے ملازمین سے اپیل کی کہ وہ 06جولائی بروز اتوار کو ’’جناح پارک ‘‘ میں پاک فوج سے اظہار یکجہتی کیلئے جلسے میں زیادہ سے زیادہ تعداد میں شرکت کرکے ثابت کردیں کہ پاکستان کی پاک فوج تنہا نہیں ہے اوران کے ساتھ پوری قوم کھڑی ہے ۔