پاک افواج سے اظہار یکجہتی کیلئے اتوار کو جناح پارک کراچی میں منعقد کیا جانے والا پاکستان کی 66سالہ تاریخ کا سب سے بڑا اجتماع ہوگا، رکن رابطہ کمیٹی عامر خان

Posted on: 6/29/2014

پاک افواج سے اظہار یکجہتی کیلئے اتوار کو جناح پارک کراچی میں منعقد کیا جانے والا پاکستان
کی 66سالہ تاریخ کا سب سے بڑا اجتماع ہوگا، رکن رابطہ کمیٹی عامر خان
مسلح افواج کے افسران اور جوان ملک کی سلامتی وبقاء کیلئے دہشت گردوں کے خلاف فیصلہ کن جنگ لڑرہے ہیں
نازک وقت میں پور ی قوم پاک افوج کے شانہ بشانہ کھڑی ہے ۔عامر خان
محب وطن پاکستانی ایم کیوایم کے تحت پاک افواج سے اظہار یکجہتی کے اجتما ع میں بھر پور شرکت کریں، عامر خان

لندن۔۔29جون 2014ء
متحدہ قومی موومنٹ کی رابطہ کمیٹی کے رکن عامر خان نے کہا ہے کہ قائد تحریک جناب الطاف حسین کی خصوصی ہدایت پر ایم کیوایم کے تحت مسلح افواج کے ساتھ جناح پارک کراچی میں منعقد کیا جانے والا اظہار یکجہتی کا اجتما ع تاریخی اور پاکستان کی 66سالہ تاریخ کا سب سے بڑا مظاہر ہ ہوگا ۔اجتماع میں تمام مذاہب وعقائد ،قومیتوں اور تمام شعبہ ہائے زندگی سے تعلق رکھنے والے افراد شرکت کریں گے ۔اپنے ایک بیان میں عامر خان نے کہا کہ ملک اس وقت اندرونی وبیرونی سازشوں کا شکار ہے اور انتہائی نازک دور سے گزر رہا ہے ،مسلح افواج کے افسران اور جوان ملک کی سلامتی وبقاء کیلئے دہشت گردوں کے خلاف فیصلہ کن جنگ لڑرہے ہیں اور اپنی جانوں کا نذرانہ پیش کر رہے ہیں لہٰذا اس کڑے وقت میں پاک افواج کے افسران اور جوانوں کی حوصلہ افزائی اور اظہار یکجہتی کی اشد ضرورت ہے۔ انہوں نے کہا جناب الطاف حسین اور ایم کیوایم ہمیشہ ہی سے پاک افواج سمیت ملک کے تمام سیکیورٹی اداروں کا احترام کرتی ہے جس کا ماضی میں بھی مظاہر ہ کرچکی ہے او رآج اس کڑے وقت میں بھی ایم کیوایم پاک افواج سمیت تما م سیکیورٹی ادار وں کے ساتھ کھڑی ہے ۔ عامر خان نے محب وطن پاکستانیوں سے کہا کہ وہ ایم کیوایم کے تحت بروز اتوار جناح پارک نزد مزار قائد پر ہونے والے پاک افواج سے اظہار یکجہتی کے اجتما ع میں بھر پور شرکت کریں او رثابت کر دیں کہ اس نازک وقت میں پور ی قوم پاک افوج کے شانہ بشانہ کھڑی ہے ۔

2/6/2026 9:40:29 PM

متحدہ قومی موومنٹ کے بانی وقائد جناب الطاف حسین کی طبیعت میں آج بہتری ... 03 Feb 2026	متحدہ قومی موومنٹ کے بانی وقائد جناب الطاف حسین کو آج بروز پیر لندن ک... 02 Feb 2026
جناب الطا ف حسین کوطبیعت کی ناسازی کے باعث اتوار کی شام اسپتال لے جایا... 01 Feb 2026	متحدہ قومی موومنٹ کے بانی وقائد جناب الطاف حسین کی طبیعت ناساز ہوگئی۔... 01 Feb 2026
اگر الطاف حسین کی عوامی مقبولیت پر کسی کو شک ہے تو کراچی اورحیدرآباد ... 31 Jan 2026	تحریک انصاف کے بانی عمران خان کی علالت کی اطلاعات تشویشناک ہیں ... 31 Jan 2026
26 جنوری2026 بروزپیرکراچی پریس کلب پر @HRCPakistan کیجانب سےوکیل و ہ... 26 Jan 2026	9 روزگزرجانے کے باوجود ابھی تک آگ لگنے کے سانحات کی روک تھام کے لیے ح... 26 Jan 2026
کراچی کی آبادی اور رقبے کے پیش نظرشہر میں 80 فائراسٹیشنزقائم کئے جائیں... 25 Jan 2026	فوج،اسٹیبلشمنٹ اور اس کی قائم کردہ مذہبی جماعتوں کی جانب سے قوم کو کشم... 25 Jan 2026