ملتان ائیر پورٹ کے رن وے پر پاک فوج کا ہیلی کاپٹر گر کے تباہ ہونے کے نتیجے میں دو پائلٹ کے شہیدہونے پر جناب الطاف حسین کا اظہار افسوس

لندن۔۔۔25جون2014ء

متحدہ قومی موومنٹ کے قائد الطاف حسین نے ملتان ائیر پورٹ کے رن وے پر پاک فوج کا ہیلی کاپٹر گر کے تباہ ہونے کے نتیجے میں دو پائلٹ میجر یاسر اور کیپٹن مرتضی کے شہید ہونے پر گہرے دکھ اور افسوس کاا ظہارکیا ہے۔اپنے تعزیتی بیان میں جناب الطاف حسین نے شہید ہونے والے پائلٹس کے تمام سوگواراہل خانہ سے دلی تعزیت و ہمدردی کااظہا ر کرتے ہوئے انہیں صبر کی تلقین کی ہے ۔ انہوں نے کہا کہ دکھ کی اس گھڑی میں مجھ سمیت ایم کیوایم کے تمام کارکنان آپ کے غم میں برابر کے شریک ہیں۔ انہوں نے اللہ تعالیٰ کے حضور دعا کی کہ شہید ہونے والے دونوں پائلٹ کو اپنی جواررحمت میں اعلیٰ مقام عطا فرمائے اور لواحقین کو صبر جمیل عطا کرے۔(آمین)