ایم کیو ایم کینیڈا کے زیر اہتمام تمام بڑے شہروں بشمول ٹورنٹو،کیلگری، مونٹریال، ونڈسر اور ایڈمنٹن میں 19 جون 1992 کے شہداء حق کے ایصال ثواب اور متحدہ کی ایم این اے شہید طاہرہ آصف کے ایصال ثواب کے لئے فاتحہ خوانی کے اجتماعات

کینڈا:۔۔۔22جون 2014ء

ایم کیو ایم کینیڈا کے زیر اہمتام کینیڈا کے تمام بڑے شہروں بشمول ٹورنٹو ، کیلگری ، مونٹریال ، ونڈ سر اور ایڈمنٹن میں 19 جون 1992 ء کے شہداء حق کے ایصال ثواب کے لئے فاتحہ خوانی اور شہید MNA طاہرہ آصف کو ایصال ثواب اور خراج تحسین پیش کیا گیا۔ اس سلسلے میں مرکزی اجتماع ٹورنٹو میں منعقد کیا گیا۔ ان اجتماعات میں ایم کیو ایم کینیڈا کے سنٹرل آرگنائزر آصف قاضی ، جوائنٹ آرگنائزرمسعود حسن، اراکین سنٹرل کمیٹی، تمام شبعہ جات کے ذمہ داران ، چیپٹر انچارجز ، کارکنان و ہمدردوں کی بڑی تعداد نے شرکت کی۔ اجلاس سے خطاب کرتے ہوئے جناب آصف قاضی نے شہداء 19 جون 92 ء اور شہید ایم این اے طاہرہ آصف کو زبردست خراج تحسین پیش کیا اور کہا کہ متحدہ کی تاریخ میں 19 جون 92 جیسے کتنے ہی کٹھن مراحل اور امتحانات آتے رہیں لیکن الطاف حسین کی چٹان جیسی باہمت شخصیت اور جانثار کارکنان مظلوموں کے حقوق دلانے سے کبھی دست بردار نہیں ہوئے اور اب اولیاء کرام و بزرگان دین کی سرزمین سے پنجاب کے چپہ چپہ میں حق پرستی کا پیغام پہنچا رہی تھیں اس سے خائف ہوکر اورقائدتحریک الطاف حسین کے فلسفہ کو پھیلنے سے روکنے کے لئے حق پرست ایم این اے کو شہید کیا گیا۔ لیکن اب پنجاب کے لوگ جان چکے ہیں کہ اس 2 فیصد مراعات یافتہ طبقہ کے دن گنے جاچکے ہیں اور بہت جلد عوام کے حقیقی نمائندے ایوانوں کی زینت بنیں گے۔ ایم کیو ایم ہی وہ واحد جماعت ہے جسے بے باک نڈر اور باصلاحیت قیادت میسر ہے جو پاکستان کو حقیقی معنوں میں اندھیروں سے نجات دلائے گی۔ آخر میں شہداء کے بلند درجات اور مغفرت کے لئے دعا کی گئی اور خصوصی دعا حق پرست شہید ایم این اے طاہرہ آصف کے لئے کی گئی اس کے علاوہ قائدتحریک الطاف حسین کی دارزی عمر صحت و تندرستی اور پاکستان کے امن و استحکام اور سلامتی کے لئے بھی دعا ئیں کی گئیں۔