ڈاکٹر علامہ طاہر القادری کی وطن واپسی پر کوئی رکاوٹ نہ ڈالی جائے اور ان کے خلاف کوئی بھی ہتھکنڈہ اختیار نہ کیا جائے۔ الطاف حسین

اگر ڈاکٹر طاہر القادری، انکے خاندان کے کسی فرد یا کسی ساتھی کے ساتھ ذرہ برابر بھی زیادتی کی گئی تو ایم کیوایم کا ایک ایک کارکن احتجاج میں شریک ہوگا۔ الطاف حسین

لندن ۔۔۔11جون2014ء

متحدہ قومی موومنٹ کے قائدجناب الطاف حسین نے حکومت سے کہاہے کہ پاکستان عوامی تحریک کے سربراہ ڈاکٹرعلامہ طاہرالقادری کی وطن واپسی پرکوئی رکاوٹ نہ ڈالی جائے اوران کے خلاف کوئی بھی ہتھکنڈہ اختیارنہ کیاجائے۔ انہوں نے یہ بات آج اے پی ایم ایس او کے 36ویں یوم تاسیس کے موقع پر 38شہروں میں بیک وقت خطاب کرتے ہوئے کہی۔ انہوں نے کہاکہ آج ڈاکٹر طاہر القادری نے اپنی پریس کانفرنس میں اس خدشے کااظہارکیاہے کہ وطن واپسی پر انہیں اوران کے خاندان کونقصان پہنچانے کی منصوبہ بندی کی جارہی ہے۔جناب الطا ف حسین نے کہاکہ اگرڈاکٹرطاہرالقادری یاان کے خاندان کے کسی فردیاکسی ساتھی کے ساتھ ذرہ برابربھی زیادتی کی گئی تو ایم کیوایم کاایک ایک کارکن ڈاکٹر طاہرالقادری کے کارکنوں کے ساتھ احتجاج میں شریک ہوگا۔