طلبا و طالبات اورایم کیوایم کے کارکنان اساتذہ اور والدین کی عزت و احترم کریں ،الطاف حسین کی تلقین
بار بار فیل ہوجائیں مگر امتحانات میں نقل سے گریز کریں ، پان ،گٹکا اورسگریٹ نوشی بھی فوری ترک کردیں ،الطاف حسین
لندن ۔۔11جون 2014ء
متحدہ اقومی موومنٹ کے قائد جناب الطاف حسین نے طلبہ وطالبات اور ایم کیوایم کے کارکنوں تلقین کر تے ہوئے کہا کہ اگر آپ مجھے اپنا قائد ماننتے ہیں او رمجھ سے پیار ومحبت کرتے ہیں تو فوری طور پر پان ،گٹکا ،مین پوری ،سگریٹ، دیگر اس قسم کی چیزوں کااستعمال کرنا چھوڑ دیں ۔ انہوں نے طلبا وطالبات او رکارکنان سے اپیل کر تے ہوئے یہ بھی کہا کہ وہ اساتذہ ،والدین ک اور بزرگوں کی عزت و احترام کریں او رامتحانات میں چاہے وہ بار بار فیل ہوجائے مگر نقل کرنے سے مکمل گریز کر یں۔ جناب الطاف حسین نے یہ تلقین بدھ کے روز جناح گراؤنڈ عزیز میں اے پی ایم ایس او کے 36ویں یوم تاسیس کے سلسلے میں منعقدہ ایک بہت بڑے اجتماع سے خطاب کر تے ہوئے کری ۔