ائیرپورٹ پر کام کرنے والے متعدد ملازمین کی گمشدگی کی اطلاع ملتے ہی رکن رابطہ کمیٹی و حق پرست صوبائی وزیر ڈاکٹر صغیر احمد، حق پر ست اراکین اسمبلی کراچی ائیر پورٹ پہنچ گئے اور امدادی کارروائیوں میں حصہ لیا

شدید ذہنی کرب و اذیت میں مبتلا گمشدہ ملازمین کے اہل خانہ سے ملاقات کی اور ان کودلاسہ دیا

کراچی۔۔۔9جون 2014ء

کراچی اولڈ ائیرپورٹ پر دہشت گردی کے واقعہ کے بعد سے ائیرپورٹ پر کام کرنے والے متعدد ملازمین کی گمشدگی کی اطلاع ملتے ہی ایم کیو ایم رابطہ کمیٹی کے ارکان ڈاکٹر صغیر احمد ، معاون رابطہ کمیٹی وسیم اختر، حق پر ست اراکین اسمبلی کراچی ائیر پورٹ پہنچ گئے اور امدادی کارروائیوں میں حصہ لیا۔ اےئر پورٹ پہنچنے والے حق پرست اراکین اسمبلی میں اقبال محمد علی، ندیم راضی ، ارتضیٰ فاروقی، خالد افتخار، اورایم کیوایم کے ذمہ داران وکارکنان شامل ہیں۔ حق پرست اراکین اسمبلی نے شدیدذہنی کرب واذیت میں مبتلاگمشدہ ملازمین کے اہل خانہ سے ملاقات کی اور ان کودلاسہ دیا اور دعا کی اللہ تعالی ان کے پیارے کو اپنے حفظ و امان میں رکھے اور امید ظاہر کی کہ گمشدہ افراد زندہ سلامت برآمد ہوں اور وہ جلد از جلد اپنے پیاروں کو ملیں۔