ایم کیو ایم سینٹرل پنجاب کی لاہور ہائی کورٹ کے باہر غیرت کے نام پر حاملہ خاتون فرزانہ پروین کے بیہمانہ قتل کی شدید الفا ظ میں مذمت

لاہور۔۔۔۔۔29مئی 2014ء

ایم کیوایم سینٹرل پنجاب کمیٹی نے لاہور ہائی کورٹ کے باہر غیرت کے نام پر باپ اور بھائیوں کی جانب سے لاٹھیوں اور اینٹوں کے وار سے 25سالا حاملہ خاتون فرزانہ پروین کے بیہمانہ قتل کی شدید الفا ظ میں مذمت کی ہے ۔ اپنے ایک بیان میں صدر و اراکین سینٹرل پنجاب نے کہا کہ ملک بھر میں ہر سال سینکڑوں خواتین کو غیرت کے نام پرانکے اہل خانہ اور نام نہاد جرگوں کی جانب سے قتل کردیا جاتا ہے لیکن آج تک حکمرانوں کی جانب سے خواتین کے تحفظ اور اس قسم کے واقعات کی روک تھام کے لئے بناے گئے قوانین پر بھی عمل در آمد نہیں کیا جا رہا ہے ۔انہوں نے کہا کہ ہم اس قتل کیلئے غیرت کے نام پر قتل کی اصطلاح بھی استعمال نہیں کرنا چاہتے کیونکہ کسی بھی عورت کو اس طرح قتل کرنا قطعی غیرت کا کام نہیں ہے ۔ انہوں نے کہا کہ پاکستان میں انسانی حقوق کمیشن کے مطابق گزشتہ برس869خواتین کو غیرت کے نام پر کر دیا گیا اور یہ ایک محتاط اندازہ سے اعداد و شمار اس سے کئی زیادہ بھی ہو سکتے ہیں جہاں غیرت کے نام پر قتل کو حادثہ قرار دیا جاتا ہے یہ پر سرے سے رپورٹ ہی نہیں کیا جاتااور ان میں سے زیادہ تر واقعات پاکستان کے سب سے بڑے صوبے پنجاب میں رونماں ہوتے ہیں اس لیے حکومت پاکستان بلخصوص حکومت پنجاب اس قسم کے واقعات کی روک تھام کیلئے عملی اقدامات کرے ۔ انہوں نے کہا کہ فرزانہ پروین کا دن دہاڑے لاہور ہائی کورٹ کے باہر انسانیت سوز قتل دنیا بھر میں پاکستان کی بدنامی اور روسوائی کا سبب بنا ہے اور دنیا بھر میں پاکستان کے امیج کو نقصان پہنچا رہاہے ۔ انہوں نے کہا چونکہ پاکستان میں ’’ غیرت کے نام پر قتل‘‘ کرنے والوں کو بہت کم سزا ملتی ہے ، اس لیے معاشرے میں یہ رجحان ختم ہوتا دیکھائی نہیں دے رہا بلکہ مزید بڑھتا جارہاہے جو کسی صورت قابل قبول نہیں ہے اور یہ ریاست اور عدلیہ کی ذمہ دارای ہے کہ وہ اس قسم کے جرائم کے خاتمے کیلئے سنجیدگی سے ٹھوس و عملی اقدمات اٹھائیں اور جو لوگ اس قسم کی درندگی میں ملوث ہیں انہیں کٹہرے میں کھڑا کر کہ سخت سے سخت سزا دی جائے ۔ صدر وا راکین ایم کیو ایم سینٹرل پنجاب کمیٹی نے حکومت پنجاب سے مطالبہ کیا کہ فرزانہ پروین کے بیہمانہ قتل میں ملوث افراد کو فلفور گرفتار کر کہ انہیں قرار واقع سزا دی جائے اور پنجاب میں اس قسم کے بڑھتے ہوئے واقعات کی روک تھام کیلئے موثر و عملی اقدامات کیئے جائیں۔