خانہ کعبہ کے کلید بردار شیخ عبدالقادر الاشیبی کی علالت پر قائد ایم کیوایم الطاف حسین کا اظہار تشویش
مسلم امہ اور حق پرست عوام ، کلید بردار شیخ عبدالقادر الاشیبی کی صحت یابی کیلئے خصوصی دعا کریں، الطاف حسین
کلید بردار خانہ کعبہ،شیخ عبدالقادر الاشیبی شدید علالت کے باعث امریکہ کے مقامی اسپتال میں زیرعلاج ہیں
لندن ۔۔۔28،مئی 2014ء
متحدہ قومی موومنٹ کے قائد جناب الطاف حسین نے کلید بردار( Key holder) خانہ کعبہ، شیخ عبدالقادر الاشیبی کی شدید علالت پر گہری تشویش کا اظہار کیا ہے اوران کی صحت یابی کیلئے اللہ تعالیٰ کے حضورخصوصی دعا کی ہے ۔ ایک بیان میں جناب الطاف حسین نے مسلم امہ بالخصوص حق پرست ماؤں، بہنوں ، بزرگوں اورکارکنوں سے اپیل کی کہ وہ شیخ عبدالقادر الاشیبی کی جلد ومکمل صحت یابی کیلئے اللہ تعالیٰ کے حضور خصوصی دعائیں کریں۔ واضح رہے کہ کلید بردار خانہ کعبہ،شیخ عبدالقادر الاشیبی شدید علیل ہیں اور شدید علالت کے باعث امریکہ کے مقامی اسپتال میں زیرعلاج ہیں۔