رینجرز حکام کی جانب سے ایم کیوایم کے کارکنوں کے ماورائے عدالت قتل کے واقعات کی تحقیقات کا اعلان مثبت ہے۔ رابطہ کمیٹی متحدہ قومی موومنٹ

کراچی ۔۔۔3، مئی 2014ء

متحدہ قومی موومنٹ کی رابطہ کمیٹی نے رینجرزحکام کی جانب سے ایم کیوایم کے کارکنوں کے ماورائے عدالت قتل کے واقعات کی تحقیقات کے اعلان پرتبصرہ کرتے ہوئے کہاہے کہ رینجرزکی جانب سے ایم کیوایم کے لاپتہ کارکنان کے ماورائے عدالت قتل کے واقعات اور ایم کیوایم کے تحفظات کا سنجیدگی سے نوٹس لینا اور ان واقعات کی تحقیقات کیلئے خصوصی احکامات دینا مثبت ہے۔ رابطہ کمیٹی نے کہا کہ امید ہے کہ ایم کیوایم کے کارکنان کے ماورائے عدالت قتل کے واقعات کی ایماندارانہ اورغیرجانبدارانہ تحقیقات کرائی جائے گی اور ان المناک واقعات میں ملوث عناصر کو قانون کے تحت سخت سے سخت سز ادی جائے گی ۔ رابطہ کمیٹی نے امیدظاہر کی کہ ایم کیوایم کے لاپتہ کارکنوں کوبھی جلدازجلد بازیاب کرایاجائے گا تاکہ ان کے اہل خانہ اپنے پیاروں سے مل سکیں اورسکون کا سانس لے سکیں۔