گلستان جوہر کراچی میں ہوٹل پر فائرنگ کے نتیجے میں مدرسے کے تین طالبعلموں کے جاں بحق ہونے پر رابطہ کمیٹی کا اظہار مذمت

کراچی :۔۔09؍ اپریل 2014ء

متحدہ قومی موومنٹ کی رابطہ کمیٹی نے گلستان جوہر میں ہوٹل پر فائرنگ کے نتیجے میں مدرسے کے تین طالبعلموں کے جاں بحق اور 2افراد کے زخمی ہونے کی سخت ترین الفاظ میں مذمت کی ہے ۔ اپنے ایک بیان میں رابطہ کمیٹی نے کہا کہ نے دہشت گردوں نے کئی روز سے کراچی میں اہلسنت اور اہل تشیعُ مسلک سے تعلق رکھنے والے افراد اور ڈاکٹرووں کو مسلسل ٹارگٹ کلنگ کا نشانہ بنارہے ہیں ۔ رابطہ کمیٹی نے کہا کہ ایک طرف کراچی میں مسلسل پرتشدد کاروائیاں جاری ہیں جبکہ دوسری طرف دہشت گرد کراچی دہشت گردی کی کاروائی کرکے آگ اورخون میں نہلانے کی کوشش کررہے ہیں ۔ رابطہ کمیٹی کے نے اہلسنت اور اہل تشیع مسلک سے تعلق رکھنے والے افراد سے اپیل کی کہ وہ اپنے صفوں میں اتحاد برقرار رکھیں اور صبر کا دامن ہاتھ سے نہ چھوڑیں ۔ انہوں نے کہا کہ ایک مذموم سازش کے ذریعے کراچی میں فرقہ وارانہ فسادات کی آگ گھڑکانے کی سازش کی جارہی ہے ۔ فرقہ وارانہ فسادات کرانے کیلئے تسلسل کے ساتھ دہشت گردی کی کاروائی کی جارہی ہے ۔ رابطہ کمیٹی نے کہا کہ کراچی میں میں بھائی کو بھائی سے لڑانے کی کوشش کی جارہی ہے ، اس موقع پر ہمیں اتحاد بین المسلمین کا مظاہرہ کرنا چاہئے ۔رابطہ کمیٹی نے دہشت گردی کی کاروائیوں میں جاں بحق ہونے والے والے مدرسے کے تین طالبعلموں کے سوگوار لواحقین سے دلی تعزیت و ہمدردی کااظہار کیا اوران کی مغفرت کیلئے دعا کی اور زخمی طالبعلموں کی جلد و مکمل صحتیابی کیلئے دعا کی ۔ایم کیو ایم کی رابطہ کمیٹی نے صدرِ مملکت ممنون حسین،وزیر اعظم پاکستان میاں محمد نوازشریف ، وفاقی وزیر داخلہ چوہدری نثار ، وزیراعلیٰ سندھ قائم علی شاہ سے مطالبہ کیا ہے کہ کراچی میں دہشت گردی کے واقعات میں ملوث افراد کو فی الفور گرفتار کیاجائے اور انہیں قانون کے مطابق سزا دی جائے ۔