کراچی کے شہریوں کیلئے بجلی کے نرخوں میں50سے 170فیصدتک اضافے کافوری نوٹس لیاجائے،حق پرست اراکین سندھ اسمبلی
نپیراکی جانب سے کراچی کے شہریوں پربجلی کے نرخوں میں ہوشرباء اضافہ غیرمنطقی اورکراچی دشمن ہے
صدراوروزیراعظم نیپراکوغیرمنطقی اورکراچی دشمن اقدامات سے بازرکھیں اورکراچی کے شہریوں کے ساتھ انصاف کریں
بجلی کے نرخوں میںیکمشت170تک اضافے سے مہنگائی کاجن بے قابوہوکرشہریوں کونگل جائیگاجبکہ ضروریات زندگی کی تمام اشیاء مزیدمہنگی سے مہنگی ہوکرعوام کی دسترس سے باہرہوجائیں گی
کراچی:۔۔۔3، اپریل2014ء
متحدہ قومی موومنٹ کے حق پرست اراکین سندھ اسمبلی نے وفاقی حکومت کی جانب سے بجلی پرسبسڈی میں بڑی حدتک کمی کے بعدنپیراکی جانب سے کراچی کے شہریوں پربجلی کے نرخوں میں170تک اضافے کوغیرمنطقی اورکراچی دشمن اقدام قراردیتے ہوئے اس کی سخت ترین الفاظ میں مذمت کی ہے اورکہاہے کہ فیصلہ کراچی کے شہریوں کے ساتھ سراسرظلم وناانصافی ہے۔اپنے مشترکہ بیان میں حق پرست اراکین سندھ اسمبلی نے کہاکہ کراچی کے شہری پہلے ہی مہنگی ترین بجلی استعمال کررہے ہیں اورتیزی سے بڑھتی ہوئی مہنگائی کے باوجودہرماہ باقاعدگی سے بجلی کے بل کی مدمیں بھاری رقم جمع کرواتے ہیں۔انہوں نے کہاکہ وفاقی نیپراکی جانب سے اس طرح بجلی کے نرخوں میںیکمشت 170 فیصدتک ہوشرباء اضافے سے ایک طرف مہنگائی کاجن بے قابوہوکرشہریوں کونگل جائے گاجبکہ ضروریات زندگی کی تمام اشیاء مزیدمہنگی ہونگی جوعوام کی دسترس سے باہرہوجائیں گی اور دوسری طرف کراچی کے شہریوں جوپہلے ہی مہنگائی کے بوجھ تلے دبے ہوئے اورامن وامان کی خراب صورتحال کے باعث انتہائی پریشانی کے عالم میں زندگی بسرکررہے ہیں مزید مہنگائی کے بوجھ تلے دب کررہ جائیں گے۔انہوں نے کہاکہ بجلی کے نرخوں میں اضافے کااقدام کھلی کراچی دشمنی ہیں جیسے کراچی کے شہری کسی صورت قبول نہیں کریں گے۔ حق پرست اراکین سندھ اسمبلی نے صدرپاکستان ممنون حسین اوروزیراعظم میاں محمدنوازشریف سے مطالبہ کیاکہ کراچی کے شہریوں کیلئے بجلی کے نرخوں میں50سے 170فیصد تک اضافے کافوری نوٹس لیاجائے اورنیپراکوغیرمنطقی اورکراچی دشمن اقدامات سے بازرکھاجائے۔
*****