ایم کیوایم گہوارۂ ادب کے زیر اہتمام 7 واں عالمی مشاعرہ ’’بیادِ محسّن بھوپالی‘‘ 29 مارچ ہفتے کو لال قلعہ گراؤنڈ عزیز آباد ہوگا

کراچی: ۔۔۔28، مارچ2014ء

متحدہ قومی موومنٹ گہوارۂ ادب کے زیراہتمام ہرسال کی طرح امسال بھی 7واں عالمی مشاعرہ ’’بیادِمحسن بھوپالی‘‘لال قلعہ گراؤنڈ عزیز آباد میں منعقد کیا جائیگا جس کی صدارت ممتاز شاعر گلزار دہلوی کرینگے جبکہ ڈاکٹر پیرزادہ قاسم رضا صدیقی مشاعرے میں مہمان خصوصی طور پر شرکت کرینگے۔ عالمی مشاعرہ کل29مارچ بروز ہفتہ رات 9بجے شروع ہوگا جس میں ملکی وبین الا قوامی شہرت یافتہ معروف شعراء کرام شرکت کرکے اپنے تازہ کلام نظمیں اور اشعارپیش کرینگے۔عالمی مشاعرے کے انعقاد کے سلسلے میں ایم کیوایم کی جانب سے تمام تیاریاں مکمل کرلی گئی ہیں اوراس سلسلے میں مہمانان گرامی میں دعوت نامے بھی تقسیم کردیئے گئے ہیں۔