ایم کیو ایم سرجانی سیکٹر یونٹ 02 کے کارکن انور ملک کے قتل کی رابطہ کمیٹی کی شدید الفاظ میں مذمت
ایسا معلوم ہوتا ہے کہ دہشت گردوں کو قتل وغارتگری کی کھلی چھوٹ دے دی گئی ہے جوآزادانہ طور پر دہشت گردی کی وارداتیں کررہے ہیں
قتل میں ملوث جرائم پیشہ دہشت گردوں کو گرفتار کرکے عبرتناک سزا دی جائے، رابطہ کمیٹی
شہریوں کی جان ومال کے تحفظ کیلئے مثبت اقدامات کئے جائیں
شہید کی مغفرت اور سوگواران سے دلی افسوس کا اظہار
کراچی ۔۔ 28مارچ 2014ء
متحدہ قومی موومنٹ کی رابطہ کمیٹی نے مسلح دہشت گردوں کی فائرنگ سے ایم کیو ایم سرجانی سیکٹر یونٹ 02 کے کارکن انور ملک کے قتل کی شدید الفاظ میں مذمت کی ہے۔ ایک بیان میں رابطہ کمیٹی نے کہا کہ ایک تسلسل کے ساتھ ایم کیو ایم کے ذمہ داران و کارکنان کو نشانہ بنایا جارہا ہے اور ٹارگٹ کلنگ کے ذریعے ایک دفعہ پھر ایم کیو ایم کو کچلنے خوفزدا کرنے کی مذموم سازش کی جارہی ہے ایم کیو ایم کے کارکنان اور ذمہ داران کے کسی بھی قاتل کو ابھی تک گرفتار نہیں کیا گیا ہے اور دہشت گردوں کو شہر میں بے گناہ کارکنان کے قتل کی کھلی چھوٹ دے دی گئی ہے یہی وجہ ہے کہ وہ آزادانہ طور پر قتل و غارتگری کی واردتیں کررہے ہیں جس کی جتنی بھی مذمت کی جائے کم ہے ۔ رابطہ کمیٹی نے وزیراعظم پاکستان میاں محمد نواز شریف، وفاقی وزیرِ داخلہ چوہدری نثار اور وزیرِاعلیٰ سندھ سید قائم علی شاہ سے مطالبہ کیا کہ انور ملک کے قتل میں ملوث جرائم پیشہ دہشت گردوں کو گرفتار کرکے عبرتناک سزا دی جائے اور شہریوں کی جان ومال کے تحفظ کیلئے مثبت اقدامات کئے جائیں ۔رابطہ کمیٹی نے انور ملک شہید کے سوگواران سے دلی تعزیت وافسوس کا اظہار کر تے ہوئے دعا کی کہ اللہ تعالیٰ شہید کی مغفر ت فرمائے اور سوگواران کو صبر وجمیل عطاکرے ۔