ایم کیو ایم آسٹریلیا کے زیر اہتمام ایم کیو ایم کے تیسویں یوم تاسیس یوم پاکستان کی مناسبت سے تقریب کا انعقاد

کراچی ۔۔۔27مارچ 2014ء

متحدہ قومی موومنٹ کے آسٹریلیا میلبورن انٹرنیشنل یونٹ کے زیر اہتمام آسٹریلیا میں ایم کیو ایم کے 30یوم تاسیس اوریوم پاکستان کے کے مناسبت سے تقریب کا انعقاد کیا گیا۔ اس موقع پر آسٹریلیا کے مختلف علاقوں میں قائم ایم کیوایم کے انٹر نیشنل یونٹس کے کارکنان ، ذمہ داران اور آسٹریلیا میں مقیم پاکستانیوں کی بڑی تعداد تقریب میں شریک تھی۔تقریب سے خطاب کرتے ہوئے ایم کیو ایم میلبورن یونٹ کے انچارج ثاقب رضوان نے کہا ہے کہ قائد تحریک الطاف حسین نے پاکستان کے محروم و مظلوم طبقے کے جائز حقوق کے لیے 30سال قبل ایم کیو ایم کے نام سے جس عوامی جدو جہد کا آغاز کیا تھا آج وہ پاکستان سمیت دنیا بھر میں پھیل چکی ہے اور ہر علاقے ، رنگ ،نسل ، زبان ، فرقے ، مذہب اور طبقے سے تعلق رکھنے والے حق پرست اس جدو جہد کا حصہ ہے ۔ ۔ انہوں نے کہا کہ ملک سے فرسودہ ،جاگیردارانہ اور سر مایہ دارانہ نظام کے خاتمے کی جدو جہد کر رہی ہے اور یہی وجہ ہے کہ ظالم قوتوں نے قائد تحریک الطاف حسین کے بڑے بھائی ناصر حسین ، جواں سال بھانجے عارف حسین سمیت ایم کیو ایم کے ہزاروں کارکنان و ذمہ داران کو شہید کر دیا۔انہوں نے کہا کہ ایم کیو ایم پاکستان کی وہ واحد جماعت ہے جو دہشتگردوں کے خلاف ببانگ دہل صدا بلند کرتی رہی ہے اوردہشت گردی کی بھرپور مذمت کرتی ہے ۔ اس موقع پر کارکنان نے ایم کیو ایم کے قائد الطاف حسین سے تجدید عہد وفا کیا اور انکی درازئ عمر اور صحت و تندرستی کے لیے دعائیں کیں۔ایم کیو ایم آسٹریلیا کی جانب سے منعقدہ تقریب کے شرکاء نے مختلف ملّی نغمے گا کر پاکستان سے اپنی محبت کا اظہار کیا اورضرورت پڑنے پر وطن عزیز کے لیے جان نچھاور کردینے کے عزم کا اعادہ بھی کیا ۔ تقریب کے اختتا م شرکاء نے یک زبان ہوکر پاکستان کا قومی ترانہ پڑھا۔