ایم کیوایم کے مرکزی شعبہ اطلاعات کے رکن و سابق صوبائی وزیر قمر منصور کی بھابھی شمع مسعود کومحمد شاہ قبرستان میں سپردِ خاک کر دیا

کراچی۔۔۔ 26مارچ2014ء

ایم کیو ایم کے مرکزی شعبہ اطلاعات کے رکن و سابق صوبائی وزیرقمر منصور کی بھابھی اور ایم کیو ایم ناظم آباد گلبہار سیکٹر کمیٹی کے رکن مسعود صدیقی کی اہلیہ شمع مسعودمرحومہ کو سینکڑوں سوگواران کی آہوں اور سسکیوں کے درمیان محمد شاہ قبرستان نارتھ کراچی میں سپردِخاک کردیاگیا ۔اس سے قبل مرحومہ کی نمازِجنازہ بعدنمازِ عصر جامع مسجد بلال سیکٹر 11-C/1 نارتھ کراچی میں ادا کی گئی،مرحومہ کی نمازِجنازہ اور تدفین میں ایم کیو ایم کے ڈپٹی کنوینرانجینئرناصر جمال ، اراکینِ رابطہ کمیٹی سیدحیدر عباس رضوی، واسع جلیل، انچارج و اراکین کراچی تنظیمی کمیٹی حق پرست اراکین اسمبلی ریحان ہاشمی، عبداللہ شیخ، وسیم قریشی، تنظیمی شعبہ جات کے ذمہ داران ، یونٹ و سیکٹر کے ذمہ داران و کارکنان ، پرنٹ و الیکٹرونک میڈیا کے نمائندوں، صحافیوں،سیاسی وسماجی اورمختلف شعبہ ہائے زندگی سے وابستہ اہم شخصیات اور مرحومہ کے عزیزواقارب نے بڑی تعداد میں شرکت کی۔دریں اثناء مرحومہ کافاتحہ سوئم 28مارچ بعدنمازجمعہ بلال مسجدسیکٹر 11-C/1 میں ہوگا جس میں مرحومہ کی روح کے ایصال ثواب کیلئے قرآن خوانی وفاتحہ خوانی کی جائے گی خواتین کیلئے قرآن خوانی وفاتحہ خوانی کا اہتمام مرحومہ کی رہائشگاہ پرہے۔