ایم کیوایم کا 30 واںیوم تاسیس کل لندن میں منایا جائے گا

لندن ۔۔۔22،مارچ 2014ء 

متحدہ قومی موومنٹ برطانیہ کے زیر اہتما م ایم کیوایم کا 30 واںیوم تاسیس کل بروز اتوار لندن میں منایا جائے گا۔ اس سلسلے میں شام چھ بجے لندن کے واٹلنگ کمیونٹی سینٹر میں اجتماع منعقد کیا جائے گا جس میں ایم کیوایم کی رابطہ کمیٹی کے ارکان ،ایم کیوایم شعبہ خواتین کی ذمہ داران وکارکنان، برطانیہ کی آرگنائرنگ کمیٹی ، لندن ، مانچسٹر ،شیفیلڈ ،برمنگھم اور دیگر یونٹوں کے ذمہ داران،کارکنان اور برطانیہ میں مقیم پاکستانی شرکت کریں گے۔ایم کیوایم برطانیہ کی جانب سے یو م تاسیس کے اجتما ع کے سلسلے میں انتظامات کو حتمی شکل دے دی گئی ہے اور اس سلسلے میں مختلف کمیٹیا ں بھی تشکیل دی گئی ہیں۔ دریں اثناء ایم کیوایم برطانیہ کے آرگنائزر سلیم دانش نے برطانیہ میں مقیم پاکستانیوں سے اپیل کی ہے کہ وہ اجتماع میں زیادہ سے زیادہ تعداد میں شریک ہوں ۔