حب میں آر سی ڈی شاہراہ گڈانی چیک پوسٹ کے قریب دو مسافر بسوں اور آئل ٹینکر کے تصادم کے نتیجے میں متعدد افراد کے جاں بحق و زخمی ہونے پر جناب الطاف حسین کااظہار افسوس

لندن۔۔۔۔22مارچ 2014

متحدہ قومی موومنٹ کے قائد جناب الطاف حسین نے حب میں آر سی ڈی شاہراہ گڈانی چیک پوسٹ کے قریب دو مسافر بسوں اور آئل ٹینکر کے تصادم کے نتیجے میں متعدد افراد کے جاں بحق و زخمی ہونے پر گہرے دکھ اور افسوس کا اظہار کیا ہے ۔ ایک تعزیتی بیان میں الطاف حسین نے جاں بحق ہونے والے افراد کے تمام سوگوارلواحقین سے دلی تعزیت و ہمدردی کا اظہار کرتے ہوئے انہیں صبرکی تلقین کی اورکہاکہ دکھ اورافسوس کی اس گھڑی میں مجھ سمیت ایم کیوایم کے تمام کارکنان آپ کے غم میں برابرکے شریک ہیں۔جناب الطاف حسین نے دعا کی کہ اللہ تعالیٰ مرحومین کو جنّت الفردو س میں اعلیٰ مقام عطاء فرمائے اور سواگوار لواحقین کو یہ صدمہ برداشت کرنے کا حوصلہ عطاء کرے۔(آمین )انہوں نے حادثے میں زخمی ہونے افرادکے لئے جلد ومکمل صحت یابی کیلئے دعابھی کی۔