سائٹ ایریا میں رینجرز کی فائرنگ سے موٹر سائیکل پر سوار دو شہریوں کے زخمی ہونے پر رابطہ کمیٹی کا اظہار مذمت

سائٹ ایریا میں رینجرز کی فائرنگ سے موٹر سائیکل پر سوار دو شہریوں کے زخمی ہونے پر رابطہ کمیٹی کا اظہار مذمت

ڈی جی رینجرز واقعہ کی غیر جانبدارانہ انکوائری کرائیں اور اس میں ملوث اہلکاروں کے خلاف قانونی کاروائی عمل میں لائی جائے۔ رابطہ کمیٹی کا مطالبہ

کراچی۔۔۔20مارچ2014ء

متحدہ قومی موومنٹ کی رابطہ کمیٹی نے کراچی کے علاقے سائٹ ایریا میں رینجرز کی فائرنگ سے موٹر سائیکل پرسواردو شہریوں کے زخمی ہونے پرسخت الفاظ میں مذمت کی ہے۔ ایک بیان میں رابطہ کمیٹی نے کہاکہ قانون نفاذ کرنے والے اداروں کی جانب سے اس قبل بھی اس طرح کے واقعات رونما ہوچکے ہیں جس سے کراچی میں عوام میں سخت بے چینی پائی جاتی ہیں۔ انہوں نے ڈی جی رینجرز سے مطالبہ کیا کہ وہ اس واقعہ کی غیر جانبدارانہ انکوائری کرائے،اس میں ملوث اہلکاروں کے خلاف قانونی کاروائی عمل میں لائی جائے اور اس بات کو یقینی بنایا جائیں کہ اس طرح واقعات کی روک تھام کی جا سکے۔