قائد تحریک الطاف حسین نے ملک سے انتہا پسندی اور مذہبی منافرت کے خاتمے کی عملی کوششیں کی ہیں ،ارکان رابطہ کمیٹی احمد سلیم صدیقی ، سیف یار خان

کراچی ۔۔۔19مارچ2014ء 

متحدہ قومی موومنٹ کی رابطہ کمیٹی کے ارکان احمد سلیم صدیقی اور سیف یار خان نے کہا ہے کہ قائد تحریک الطاف حسین نے ہمیشہ ملک میں فرقہ وارانہ ہم آہنگی اورمذہبی رواداری کے فروغ کے لیے جدو جہد کی ہے ، ایم کیو ایم قائد تحریک الطاف حسین کے فلسفے پر عمل پیرا رہتے ہوئے ملک میں امن و امان اور تمام مذاہب کے لیے برابری کے حقوق کی کوششیں کر رہی ہے۔ ان خیالات کا اظہار انھوں نے خورشید بیگم سیکریٹریٹ عزیز آباد میں مرکزی تنظیم عزادری کراچی کے صدر ایس ایم نقی کی قیادت میں آئے وفد سے ملاقات میں کیا۔ اس موقع پر انھوں نے وفد کے شرکا ء سے گفتگو کرتے ہوئے کہا کہ قائد تحریک الطاف حسین ملک میں بسنے والے تمام مظلوم و محروم عوام کی آواز ہیں اور انھوں نے جدو جہد کے آغاز سے ہی ملک سے انتہا پسندی اور مذہبی منافرت کے خاتمے کی کوششیں کی ہیں ۔اس موقع پر ایم کیو ایم علما ء کمیٹی کے انچارج جاوید احمد اور اراکین علماء کمیٹی بھی موجود تھے ۔ اس موقع پر مرکزی تنظیم عزادری کراچی کے صدر ایس ایم نقی اور وفد کے شرکا ء نے ایم کیو ایم کے قائد الطاف حسین کی جانب سے تحریر کردہ مضمون ’’کڑوی حقیقتیں۔۔۔سچ کیا ہے ؟ ۔۔۔جھوٹ کیا ؟‘‘ کی مکمل تائید کی اور شیعہ سنی مذہبی فسادات کی روک تھام سمیت ملک میں مذہبی رواداری کے قیام میں جناب الطاف حسین کی کاوشوں کو سراہا اور انھوں نے اس ضمن میں اپنے مکمل تعاون کی یقین دہانی بھی کروائی ہے ۔وفد میں مرکزی تنظیم عذاداری کے سینئرنائب صدر شمس الحسن شمسی ، ممبر سینئر ایگزیٹو ابرار حسن،ریاض مرزا ، ممبر سپریم کونسل علامہ علی کرار نقوی ،مولانا عباس مہد ی ترابی ، ابو ذر نقوی مشاورتی کمیٹی کے نائب صدر باقر رضا اور اراکین شامل تھے ۔