شرپسندعناصرکی جانب سے ماڈل کالونی میں ہولی کے موقع پرہندوبرادری کے نوجوانوں پرتیزاب پھینکنے پر رابطہ کمیٹی کااظہارمذمت

کراچی ۔۔۔17، مارچ2014ء 

متحدہ قومی موومنٹ کی رابطہ کمیٹی نے شرپسندعناصرکی جانب سے کراچی کے علاقے ماڈل کالونی میں ہندوبرادری کے مذہبی تہوارہولی کے موقع پر ہندو نوجوانوں پربوتلوں میں رنگ کی جگہ تیزاب بھرکرپھینکنے کی شدیدالفاظ میں مذمت کی ہے اورمطالبہ کیاکہ واقعہ کافوری نوٹس لیکرذمہ دارافرادکے خلاف فی الفورکارروائی کی جائے۔ایک بیان میں رابطہ کمیٹی نے تیزاب سے متاثرہ ہندو نوجوانوں سے دلی ہمدردی کااظہارکیااوران کی جلدومکمل صحت یابی کیلئے دعاکرتے ہوئے کہاکہ شرپسندوں کی جانب سے اس قسم کے واقعات شہرمیں مذہبی فسادات بھڑکانے کی سازش ہیں جس کی جتنی بھی مذمت کی جائے کم ہے۔رابطہ کمیٹی نے وزیراعلیٰ سندھ سیدقائم علی شاہ سے مطالبہ کیاکہ ماڈل کالونی میں ہندوبرادری پرتیزاب پھینکے کاسختی سے نوٹس لیاجائے اورتیزاب گردی میں ملوث شرپسندعناصرکوگرفتارکرکے عبرتناک سزادی جائے۔