لاڑکانہ میں مقدس اوراق کی بیحرمتی اوراس کے بعد پیش آنے والے تشددکے واقعات پرایم کیوایم کے قائدالطاف حسین کااظہارافسوس
مقدس اوراق کی بے حرمتی کرنے والے شخص کوگرفتارکیاجائے۔الطاف حسین
مشتعل افرادکی جانب سے ہندوبرادری کے مندر، دھرم شالہ اوردیگراملاک پر حملے اسلامی تعلیمات کے سراسرخلاف ہیں۔الطاف حسین
لاڑکانہ میں ہندوؤں کے مندراوراملاک پر حملوں اورگھیراؤجلاؤ میں ملوث عناصر کے خلاف بھی قانون کے تحت سخت کارروائی کی جائے ،ہندوبرادری کی جان ومال اورعبادت گاہوں کاتحفظ کیاجائے۔الطاف حسین
لندن ۔۔۔ 15 مارچ 2014 ء
متحدہ قومی موومنٹ کے قائدجناب الطاف حسین نے لاڑکانہ میں مقدس اوراق کی بیحرمتی اوراس کے بعد پیش آنے والے تشددکے واقعات پرشدیدافسوس کااظہارکیاہے۔اپنے ایک بیان میں انہوں نے حکومت سندھ سے مطالبہ کیاکہ جس شخص نے مقدس اوراق کی بیحرمتی کی ہے اس کوگرفتارکیاجائے۔انہوں نے مشتعل افرادکی جانب سے ہندوبرادری کے مندر، دھرم شالہ اوردیگراملاک پر حملوں اورانہیں نذرآتش کرنے کی بھی شدید مذمت کرتے ہوئے کہاکہ یہ حملے اسلامی تعلیمات کے سراسرخلاف ہیں۔انہوں نے حکومت سے مطالبہ کیاکہ جوشرپسندعناصر ان پرتشدد حملوں اورگھیراؤجلاؤ میں ملوث ہیں ان کے خلاف بھی قانون کے تحت سخت کارروائی کی جائے اورہندوبرادری کی جان ومال اورعبادت گاہوں کاتحفظ کیاجائے۔