حق پرست رکن قومی اسمبلی محترمہ طاہرہ آصف کے ہمراہ ایم کیوایم سینٹرل پنجاب کے وفدکی احتجاج پربیٹھی نرسوں سے ملاقات

لاہور۔۔۔14،مارچ2014ء

حق پرست رکن قومی اسمبلی محترمہ طاہرہ آصف کے ہمراہ متحدہ قومی موومنٹ سینٹرل پنجاب کے ذمہ داران پرمشتمل وفدنے پنجاب اسمبلی کے باہر اپنے مطالبات کے حق میں پر امن احتجاج پربیٹھی ایڈہاک نرسوں سے ملاقات کی اورانہیں ایم کیوایم کی جانب سے ہرممکن تعاون کی یقین دہانی کرائی۔وفدنے نرسوں پرپولیس کی جانب سے لاٹھی چارج اورانہیں ہراساں کرنے کی سخت ترین الفاظ میں مذمت کی اورتشددکانشانہ بننے والی تمام نرسوں سے اظہار یکجہتی کیا۔ایم کیوایم کے وفد میں سینٹرل پنجاب کے ذمہ داران عامر بلوچ ، اقبال قریشی کے علاوہ دیگرذمہ داران شامل تھے ۔اس موقع پرطاہرہ آصف نے اپنے جائزمطالبات کیلئے پرامن احتجاج ہرپاکستانی کاآئینی،قانونی اورجمہوری حق ہے جس سے اسے کوئی نہیں روک سکتا۔انہوں نے پرامن احتجاج پرمجبور نرسوں پر پولیس کی جانب سے بہیمانہ تشدد اور انہیں بلاجواز حراست میں لیکرہراساں کرنے کی سخت ترین الفاظ میں مذمت کی اورکہاکہ پولیس کی جانب سے پرامن نرسوں پربہیمانہ تشدداورانہیں حراست میں لینے کاواقعہ حکومت پنجاب کے دعوؤں کی نفی ہیں۔انہوں نے مطالبہ کیاکہ نرسوں کے جائز مطالبات فی الفور تسلیم کیاجائے ، بلاجواز حراست میں لی جانے نرسوں کو رہا کیا جائے اورنرسوں پر تشدد اور لاٹھی چارج میں ملوث پولیس اہلکاروں اور انتظامیہ کے خلاف سخت کاروائی کی جائے۔