دہشتگردوں سے مذاکرات کا فیصلہ ملک کو انتہا پسندی اور مذہبی جنونیت کی آگ میں مزید دکھیل دیگا ، جنید فہمی

امریکا ۔۔۔ 12مارچ2014ء 

متحدہ قومی موومنٹ امریکہ کے سینٹرل آرگنائزر جنید فہمی نے کہا ہے کہ طالبان کی جانب سے پاکستان کے ساٹھ ہزار سے زائد معصوم شہریوں ، افواج پاکستان کے جوانوں اور رینجرز ،پولیس سمیت دیگر قانون نافذ کرنے والے اداروں کے اہلکاروں کو قتل کئے جانے کے باوجود حکومت پاکستان کا دہشتگردوں سے مذاکرات کا فیصلہ ملک کو انتہا پسندی اور مذہبی جنونیت کی آگ میں ردکھیل دیگا ۔ ان خیالات کا اظہار انھوں نے امریکہ کی مختلف ریاستوں میں قائم ایم کیو ایم کے انٹر نیشنل چیپڑرز کے دوروں کے موقع پرکارکنان و عوام سے گفتگو کرتے ہوئے کیا ۔ انھوں نے کہا کہ ہزاروں معصوم پاکستانیوں اور افواج پاکستان کے جوانوں کے قاتلوں سے مذاکرات کے فیصلے سے یہ تاثر ملتا ہے جیسے حکومت پاکستان دہشتگردوں کا مقابلہ کرنے میں ناکام ہو گئی ہے اور اب انھوں نے ریاست کو دہشتگردوں کے حوالے کرنے کی ٹھا ن لی ہے جس سے پاکستانی عوام کی مایوسی میں اضافہ ہوا ہے۔ انھوں نے قائد تحریک جناب الطاف حسین کو خراج تحسین پیش کرتے ہوئے کہا کہ جنا ب الطاف حسین ملک کے واحد سیاسی لیڈر ہیں جوانتہا پسندوں اور ان کے حامیوں کے ناپاک ارادوں سے عوام کوپہلے سے ہی آگاہ کرتے آرہے ہیں اور ہ دہشتگردوں کے خلاف پاکستانی عوام کی واحد امید ہیں ۔ اس موقع پر ایم کیو ایم امریکہ کے جوائنٹ آرگنائزر محمد ارشد حسین ، نیو یارک ، واشنگٹن ڈی سی ، نیو جرسی ،ورجینیا سمیت ایم کیو ایم امریکہ کے مختلف چیپٹرز کے انچارجز ،کارکنان اور امریکہ میں مقیم پاکستانیوں کی بڑی تعداد موجود تھی ۔ بعدازاں محمد ارشد حسین نے کارکنان وعوام سے کراچی میں امن و امان کی مخدوش صورتحال پر گفتگو کرتے ہوئے کہا کہ ملک کا سب سے بڑا شہراور معاشی حب کراچی بھی طالبان دہشتگردوں کی آماجگاہ بن گیا ہے لیکن حکومت پاکستان دہشتگردوں کے خلاف ٹھو س اقدامات اُٹھانے سے قاصر نظر آتی ہے ۔ انھوں نے مزید کہا کہ پاکستان کی شہ رگ کراچی کو بچانے کے لیے شہر میں طالبان دہشتگردوں کے ٹھکانوں اور ان کی حمایتی مذہبی و سیاسی جماعتوں کے خلاف فوری اور مثبت کا رروائی نا گزیر ہو چکی ہے ۔ اس موقع پرکارکنان و عوام نے ایم کیو ایم کے قائد جناب الطاف حسین کو گزشتہ دنوں ایم کیو ایم کے تحت پنجاب کے شہر لاہور میں منعقد کی جانے والی صوفیائے کرام کانفرنس کی فقید المثا ل کامیابی پر مبارک باد پیش کی ہے اور کہا ہے کہ صوفیائے کرام کانفرنس ملک میں امن و محبت کے پیغام کے فروغ میں اہم سنگ میل ثابت ہوگی اور اس سے مذہبی جنونیت و انتہا ء پسندی کے خلاف جنگ میں مد د ملے گی ۔