قائد تحریک الطاف حسین کی ہدایت پرتھر پارکر میں قحط سالی سے متاثرہ افراد کے لیے مفت میڈیکل کیمپ کا انعقاد

کرا چی ۔۔۔ 10مارچ2014ء

متحدہ قومی موومنٹ کے قائد جنا ب الطاف حسین کی ہدایت پرگزشتہ روز قحط سالی سے متاثرہ ڈسٹرکٹ تھر پارکر کے تعلقہ نگر پارکر میں مختلف وبائی امراض کا شکارعوام کوطبّی سہولیات کی فراہمی کیلئے ایم کیو ایم کے فلاحی ادارے خدمت خلق فاؤنڈ یشن کے تحت مفت طبّی امدادی کیمپ لگادیا گیاہے۔ایمبولینس سروس اورجدیدطبّی آلات سے آراستہ کیمپ میں جلد، آنکھ ، ناک ،کان اورپیٹ کے مختلف امراض کے ماہرڈاکٹرزاورپیرامیڈیکل اسٹاف کے ارکان متاثرہ مریضوں کاطبّی معائنہ کرکے انہیں مفت ادویات فراہم کررہے ہیں جبکہ انتہائی تشویشناک حالت میں آنے والے بچوں اور دیگرمتاثرہ مریضوں کو خدمت خلق فاؤنڈیشن کی ایمبولینس سرو س کے ذریعے فی الفور مٹھی اسپتال روانہ کیاجارہاہے ۔ مفت میڈیکل کیمپ کے انعقاد پر تھرپارکرکے متاثرین نے قائد تحریک الطاف حسین کا شکریہ اداکرتے ہوئے ان کے لیے ڈھیروں ساری دعائیں دی۔ دریں اثناء حق پرست رکن سندھ اسمبلی و عمر کوٹ زون کے انچارج پنجومل بھل،ایم کیوایم سندھ تنظیمی کمیٹی کے ارکان ندیم سومرو اور شیراز مسعود اور اندرون سندھ ایم کیو ایم کے مختلف زونز کے ذمہ داران و کارکنان کی بڑی تعدا دعوامی خدمت میں مصرو ف ہیں جبکہ ایم کیو ایم حیدر آباد کی میڈیکل ایڈ کمیٹی سے تعلق رکھنے والے اعلیٰ تربیت یافتہ ڈاکٹرز اور پیرا میڈیکل اسٹاف نے عوام کو طبی امداد فراہم کیں۔