الطاف حسین کی ہدایت پر تھرپارکر کے قحط سے متاثرہ عوام میں غذائی اجناس کی تقسیم

کراچی:۔۔۔8؍مارچ2014ء

متحدہ قومی موومنٹ کے قائدجناب الطاف حسین کی ہدایت پرتھرپارکرمیں قحط سے متاثرہ عوام کی امدادکیلئے جمعہ کی شب خدمت خلق فاؤنڈیشن کے مرکزی کیمپ سے روانہ ہونیوالی لاکھوں روپے مالیت کی غذائی اجناس پرمشتمل امدادی سامان کی پہلی کھیپ تھرپارکرکے شہرمٹھی پہنچ گئی جہاں حق پرست ارکان سندھ اسمبلی ڈاکٹرظفرکمالی،پونجومل ایڈووکیٹ،ایم کیو ایم کے ذمہ داران و کارکنان نے امدادی سامان تھرپارکرمیں قحط سے متاثرہ عوام میں تقسیم کیا۔اس موقع پرقحط سے متاثرہ عوام جن میں خواتین، بزرگ، نوجوانوں کے علاوہ معصوم بچوں اوربچیوں کی بڑی تعدادشامل تھی حق پرست نمائندوں اورعمرکوٹ زونل کمیٹی کے اراکین اورایم کیوایم کے دیگرذمہ داران سے امدادی سامان وصول کیااورخدمت خلق فاؤنڈیشن کی امدادی سرگرمیوں کو سراہتے ہوئے بروقت امداد پہنچانے پرقائدتحریک جناب الطاف حسین کاشکریہ اداکیااوران کے حق میں دعائیں کیں۔امدادی سامان میں آٹا ، چاول ،دالیں،بیسن،چائے کی پتی،شکر،نمک،خشک دودھ،مصالحہ جات،گھی،تیل اورروزمرہ استعمال کی اشیاء کے علاوہ منرل واٹراورجان بچانے والی ادویات شامل ہیں۔واضح رہے کہ ایم کیوایم کے قائد جناب الطاف حسین نے تھرپارکرمیں قحط سے متاثرہ عوام کی بروقت امدادکیلئے ہنگامی بنیادوں پررابطہ کمیٹی کے ارکان اورخدمت خلق فاؤنڈیشن کے ذمہ داران کوہدایات جاری کیں تھیں جس کے بعد امدادی سامان کی پہلی کھیپ دوٹرک فوری طورپرروانہ کردی گئی خدمت خلق فاؤنڈیشن کی طرف تھرکے متاثرین کیلئے امدادی کارروائیاں جاری ہیں اورجلد مزید سامان بھی روانہ کیا جائیگا۔