رابطہ کمیٹی کے رکن احمد سلیم صدیقی کی سہارا ویلفیئر ٹرسٹ کے میجر (ر) اسرار الحق سے ملاقات ’’صوفیانہ کانفرنس ‘‘ میں شرکت کی دعوت دی

لاہور۔۔۔7، مارچ2014ء 

متحدہ قومی موومنٹ کی رابطہ کمیٹی کے رکن احمد سلیم صدیقی نے سہارا ویلفیئر ٹرسٹ کا دورہ کیا اور ٹرسٹ کے میجر (ر) اسرارالحق سے ملاقات کی اور انہیں ایم کیوایم کے زیر اہتمام 9مارچ کوڈونگی گراؤنڈ میں ہونیوالی ’’صوفیانہ کانفرنس ‘‘ میں شرکت کی دی ۔ ملاقات میں گفتگو کرتے ہوئے رابطہ کمیٹی کے رکن احمد سلیم صدیقی نے کہاکہ پاک سر زمین پر اسلام اولیائے کرام اور صوفیائے کرام کی تعلیمات اور تبلیغ کی مرہون منت ہے اور ایم کیوایم دین اسلام کے اصل تشخص اور روح کو بگاڑنے اور نام نہاد ڈنڈا بردار کلاشنکوفی شریعت تھوپنے کی کسی کو اجازت نہیں دے سکتی اور اسی ذمہ داری کو محسو س کرتے ہوئے ایم کیوایم ڈونگی گراؤنڈ نیو مسلم ٹائن وحدت روڈ لاہور میں عظیم الشان صوفیائے کرام کانفرنس منعقد کررہی ہے ۔اس موقع پر میجر (ر) اسرار الحق نے ایم کیوایم کے تحت ’’صوفیانہ کانفرنس ‘‘ کے انعقاد کو سراہایا ۔