ایم کیو ایم فیکٹس فائنڈنگ کمیٹی کے انچارج مشتاق احمدشاہ شہیدکا فاتحہ سوئم
فاتحہ سوئم میں رابطہ کمیٹی کے ارکان توصیف خانزادہ ، شاکر علی ، حق پرست ارکان اسمبلی ،کراچی تنظیمی کمیٹی کے انچارج ، شعبہ جات کے ذمہ داران ، کارکنان کے علاوہ شہید کے عزیزواقارب کی شرکت
کراچی۔۔۔ 6؍مارچ 2014ء
گزشتہ روز سمن آباد فیڈرل بی ایریا میں دہشت گردوں کی فائرنگ سے شہید ہونے والے متحدہ قومی مومنٹ کے سینئر کارکن وسابقہ سیکٹر انچارج اور فیکٹس فائنڈنگ کمیٹی کے انچارج مشتاق احمدشاہ شہید کا فاتحہ سوئم انکی رہائش گاہ پر منعقدہوا جس میں شہید کی روح کے ایصالِ ثواب کیلئے فاتحہ خوانی و قرآن خوانی کی گئی اورشہیدکوزبردست خراج عقیدت پیش کیاگیا۔فاتحہ سوئم کے اجتماع میں متحدہ قومی مومنٹ کی رابطہ کمیٹی کے ارکان توصیف خانزادہ ، شاکر علی، حق پرست ارکانِ اسمبلی انور رضا ، خالد بن ولایت،افتخار عالم ، کراچی تنظیمی کمیٹی کے انچارج و اراکین ،شعبہ جات کے ذمہ دارا ن اورفیڈرل بی ایریا سیکٹرویونٹ کمیٹیوں کے ذمہ داران و کارکنان اورشہیدکے عزیزواقارب نے شرکت کی۔