الیکٹرانک میڈیا رپورٹرز ایسوسی ایشن کے الیکشن میں نومنتخب صدر عاصم نصیر ، نائب صدر حشام یوسف ، جنرل سیکریٹری ندیم چوہدری اور دیگر نومنتخب عہدیداران کو ایم کیوایم کے قائد الطاف حسین کی مبارکباد

لندن۔۔۔6، مارچ2014ء 

متحدہ قومی موومنٹ کے قائد جناب الطاف حسین نے لاہور میں الیکٹرانک میڈیا رپورٹرز ایسوسی ایشن (ایمراء )کے الیکشن میں نومنتخب عہدیداران کو دلی مبارکباد پیش کی ہے ۔ ایک تہنیتی بیان میں انہوں ’’ایمراء ‘‘کے نومنتخب صدر عاصم نصیر ، نائب صدر حشام یوسف ، جنرل سیکریٹری ندیم چوہدری ، فنانس سیکریٹری شکیل شہزاد ملک اور دیگر نومنتخب عہدیداران سے امید ظاہر کی کہ وہ صحافیوں کے مسائل اور مشکلات کے حل کیلئے نہ صرف اپنی تمام صلاحیتوں کو بروئے کار لائیں گے بلکہ صحافی برادری کیلئے اپنی مخلصانہ اور ہمدردانہ کوششیں جاری رکھیں گے ۔