ایم کیوایم کے تحت بے بی افضاء الطاف کی سالگرہ کی تقاریب قائدتحریک الطاف حسین کی ہدایت پر دعائیہ اجتماعات میں تبدیل
مرکزی اجتماع لال قلعہ گراؤنڈ عزیز آباد میں منعقد ہوا جس میں رابطہ کمیٹی، حق پرست عوامی نمائندں، ایم کیوایم کے ذمہ داران، کارکنان، ہمدرد ماؤں، بہنوں، بزرگوں، بچوں اور بچیوں سمیت مختلف شعبہ ہائے زندگی سے وابستہ افراد کی شرکت
بے بی افضاء الطاف کی اپیل پر دعائیہ اجتماعات میں رابطہ کمیٹی کے ارکان نے سالگرہ کے حوالے سے تحائف معصوم بچوں اور بچیوں میں تقسیم کیے
کراچی:۔۔۔5، مارچ2014ء
متحدہ قومی موومنٹ کے قائدجناب الطاف حسین کی صاحبزادی افضاء الطاف کی 5مارچ کوہونیوالی12ویں سالگرہ جناب الطاف حسین کی ہدایت پردعائیہ اجتماعات کے طورپرملک بھر میں منائی گئی اس سلسلے میں ملک بھرمیں قائم ایم کیوایم کے دفاترپرکارکنان کی جانب سے دعائیہ اجتماعات منعقدکیے گئے جس میں قائدتحریک الطاف حسین اورافضاء الطاف کی درازی عمر، صحت وتندرستی سمیت حق پرست شہداء کے درجات کی بلندی کیلئے خصوصی دعائیں کی گئیں۔ اس سلسلے کا مرکزی اجتماع لال قلعہ گراؤنڈ عزیزآباد میں منعقدہواجس میں ایم کیو ایم کی رابطہ کمیٹی کے ڈپٹی کنوینرزڈاکٹرخالدمقبول صدیقی،ڈاکٹرنصرت ،انجینئرناصرجمال،اراکین رابطہ کمیٹی ،حق پرست اراکین سینیٹ،قومی وصوبائی اسمبلی،ایم کیوایم کے مختلف و نگز وشعبہ جات کے ارکان، ایم کیوایم کے ذمہ داران،کارکنان اورحق پرست عوام ماؤں،بہنوں بچیوں اوربچوں سمیت مختلف شعبہ ہائے زندگی سے وابستہ افرادنے بہت بڑی تعداد میں شرکت کی ۔ اس موقع پرایم کیوایم کی رابطہ کمیٹی کے رکن خالد سلطان نے خشوع وخضوغ کے ساتھ اجتماعی دعاکرائی جس میں ملک کی بقاء وسلامتی،دہشت گردی کے خاتمے،ایم کیو ایم کامیابی، اسیروں کی رہائی،لاپتہ کارکنان کی بازیابی،ایم کیوایم کے سینئر کارکن مشتاق احمد شہید سمیت شہداء کے درجات کی بلندی اورایم کیوایم کے زیر اہتمام صوفیا کرام کانفرنس کی کامیابی سمیت قائد تحریک الطاف حسین اور بے بی افضاء الطاف کی درازی عمر صحت وتندرستی کیلئے دعائیں کی گئی۔کراچی کی اندرون سندھ ایم کیوایم کے تمام زونل دفاتر،ایم کیوایم پنجاب ہاؤس سمیت خیبر پختونخواہ،بلوچستان ، گلگت بلتستان اورآزادکشمیرمیں افضاء الطاف کی 12سالگرہ کے موقع پردعائیہ اجتماعات منعقدکیے گئے اورقائدتحریک الطاف حسین اوربے بی افضاء کیلئے خصوصی دعائیں کی گئیں۔بے بی افضاء الطاف کی اپیل پردعائیہ اجتماعات میں رابطہ کمیٹی کے ارکان نے سالگرہ کے حوالے سے تحائف معصوم بچوں اوربچیوں میں تقسیم کیے ۔