متحدہ کے بے گناہ کارکنان کے قتل عام پر ایم کیو ایم کینیڈا کا شدید احتجاج

کینیڈا۔۔ 5؍ مارچ 2014ء 

ایم کیو ایم کینیڈا کے سینٹرل آرگنائزرآصف قاضی، جوائنٹ آرگنائزر مسعود حسن، اراکین سینٹرل آرگنائزر نگ کمیٹی ، مختلف شعبہ جات کے ذمہ داران چیپٹرز انچارجز و کارکنان نے پاکستان کے شہر کراچی میں صرف چند دنوں میں متحدہ کے 12کارکنان اور معصوم وبے گناہ شہریوں کی شہادت پر گہری تشویش کا اظہار کرتے ہوئے کہا ہے کہ متحدہ کے کارکنان پر ڈھائے جانے والے مظالم پر قانون نافذکرنے والوں کی خاموشی اور بے بسی لمحہ فکریہ ہے۔ ایم کیو ایم کینیڈا اپنے تحریکی ساتھیوں کے قتل عام پر صدر پاکستان ‘وزیر اعظم‘ آرمی چیف اور چیف جسٹس سے پُر زور مطالبہ کرتی ہے کہ درندہ صفت سفاک قاتلوں کو فی الفور گرفتار کرکے قرار واقعی سزا دی جائے۔مزید برآں ایم کیو ایم کینیڈ ا متحدہ کے سینئیر کارکنان نائن زیرو کے فیکٹس فائنڈنگ کمیٹی کے انچارج اور امریکہ و کینیڈا کے سر گرم کارکن مشتاق احمد شاہ اور ناظم آباد سیکٹر کے کارکن حامد کے قتل کی بھی شدید الفاظوں میں مذمت کی ۔دکھ اور تکلیف کی اس گھڑی میں ایم کیو ایم کینیڈا تمام شہداء حق کے بلند دراجات اور مغفرت کے لئے دُعا گو ہے۔سینٹرل آرگنائزرآصف قاضی، جوائنٹ آرگنائزر مسعود حسن نے مزید کہا کہ اس وقت پاکستان تاریخ کے نازک ترین دور سے گزر رہا ہے اور متحدہ ہی وہ واحد سیاسی جماعت ہے جو ملک کو بچانے اور دہشت گردی کی لعنت سے نجات دلانے کے لئے فرنٹ لائن پر رہتے ہوئے اپنا مثالی کردار ادا کر رہی ہے اور ا س ہی جرم کی پاداشت میں متحدہ کے کارکنان کو چن چن کر مارا جا رہا ہے۔