ایم کیوایم نے سانحہ اسلام آباد پر منگل کوعدالتوں میں پاکستان بارکونسل کی ہڑتال کی کال کی حمایت کا اعلان کردیا
اسلام آبادمیں بے گناہ شہریوں کے قتل عام پر وکلاء برادری کا احتجاج قطعی فطری ہے
ایم کیوایم کے تمام کارکنان و عوام، شہداء کے لواحقین ، جج اوروکلاء برادری کے غم میں برابر کے شریک ہیں
متحدہ قومی موومنٹ نے اسلام آباد میں ایف ایٹ کچہری میں بم دھماکوں اور فائر نگ کے نتیجے میں سیشن جج اور وکلا ء سمیت متعد د افراد کے شہید و زخمی ہونے پرپاکستان بارکونسل کی جانب سے کل بروزمنگل کو عدالتوں میں ہڑتال کی کال کی مکمل حمایت کااعلان کیاہے ۔ ایک بیان میں رابطہ کمیٹی نے کہاکہ اسلام آبادمیں بے گناہ شہریوں کے قتل عام پر وکلاء برادری کا احتجاج قطعی فطری ہے اور ایم کیوایم کے تمام کارکنان وہمدرد عوام، سانحہ اسلام آباد کے شہداء کے لواحقین اوروکلاء برادری کے غم میں برابر کے شریک ہیں اور ان سے دلی یکجہتی کااظہار کرتے ہیں۔رابطہ کمیٹی نے بم دھماکوں اور فائرنگ کے نتیجے میں جاں بحق ہونے والے افراد کے بلند درجات ، سوگوارلواحقین کیلئے صبرجمیل اور زخمیوں کی جلد صحت یابی کیلئے دعا بھی کی۔