جعفریہ الائنس کے سربراہ ، متحدہ بین المسلمین فورم کے رہنما ، ایم کیوایم کے سابق سینیٹراور ممتاز عالم دین علامہ عباس کمیلی کی اہلیہ کے انتقال پرالطاف حسین کااظہار افسوس

لندن۔۔۔03، مارچ2014ء 

متحدہ قومی موومنٹ کے قائد جناب الطاف حسین نے جعفریہ الائنس کے سربراہ ، متحدہ بین المسلمین فورم کے رہنما ، ایم کیوایم کے سابق سینیٹر اور ممتاز عالم دین علامہ عباس کمیلی کی اہلیہ کے انتقال پر گہرے دکھ اور افسوس کااظہار کیا ہے ۔ ایک تعزیتی بیان میں انہوں نے مرحومہ کے سوگوار لواحقین سے دلی تعزیت وہمدردی کااظہا رکرتے ہوئے کہاکہ دکھ کی اس گھڑی میں مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔ جناب الطاف حسین نے دعا کی کہ اللہ تعالیٰ مرحومہ کو جنت الفردوس میں اعلیٰ مقا م عطا فرمائے اور علامہ عباس کمیلی سمیت مرحومہ کے سوگواران کو یہ صدمہ برداشت کرنے کا حوصلہ عطاکرے ۔ (آمین)۔