جنگ بندی کے اعلان کے باوجو د سیکوریٹی فورسزکے قافلے پر دہشت گرد حملہ مذاکرات اورجنگ بندی کے عمل پر ایک سوالیہ نشان ہے؟الطاف حسین

لندن۔۔۔ 3 مارچ 2014ء

متحدہ دقومی موومنٹ کے قائدالطاف حسین نے لنڈی کوتل کے علاقے میں فرنٹیئرکانسٹبلری( ایف سی) کے قافلے پر دہشت گردوں کے حملے اوردواہلکاروں کی شہادت کے واقعہ کی شدیدمذمت کی ہے ۔اپنے بیان میں جناب الطاف حسین نے کہاکہ طالبان کی جانب سے اس سے قبل بھی سیکوریٹی فورسزپرحملے کئے جاچکے ہیں۔ ایک روزقبل طالبان کی جانب سے جنگ بندی کااعلان کیاگیاتھالیکن آج پھر ایف سی کے قافلے پر حملہ کیاگیاہے جس میں سیکوریٹی فورسزکے دو اہلکار شہید اورکئی اہلکارزخمی ہوئے۔ جناب الطاف حسین نے کہاکہ طالبان کی جانب سے جنگ بندی کے اعلان کے باوجو د سیکوریٹی فورسزکے قافلے پر دہشت گرد حملہ مذاکرات اورجنگ بندی کے عمل پر ایک سوالیہ نشان ہے؟انہوں نے حملے کی شدیدمذمت کرتے ہوئے وزیراعظم نوازشریف ، چیف آف آرمی اسٹاف جنرل راحیل شریف، وزیرداخلہ چوہدری نثارعلی سے مطالبہ کیاکہ سیکوریٹی فورسزپرہونے والے اس سنگین حملے کی روشنی میں حکومت اپنی پالیسی پر نظرثانی کرے۔ انہوں نے دہشت گردوں کے حملے میں سیکوریٹی فورسزکے اہلکاروں کی شہادت پرگہرے دکھ اورافسوس کااظہارکیااور دعاکی کہ اللہ تعالیٰ شہید اہلکاروں کوجنت الفردوس میں جگہ دے اورزخمیوں کوصحت کاملہ عطاکرے۔