بھارت کے خلاف پاکستان کی شاندار کامیابی پر کپتان مصباح الحق ، میچ کے ہیرو شاہد آفریدی اور ٹیم کے تمام کھلاڑیوں کو ایم کیوایم کے قائد الطاف حسین کی زبردست مبارکباد

لندن ۔۔۔2 مارچ 2014ء

متحدہ قومی موومنٹ کے قائدجناب الطاف حسین نے ایشیاکرکٹ کپ کے میچ میں بھارت کے خلاف پاکستان کی شاندارکامیابی پرکپتان مصباح الحق ، آج کے میچ کے ہیرو شاہدآفریدی اورٹیم کے تمام کھلاڑیوں کو زبردست مبارکباد پیش کی ہے ۔ اپنے بیان میں جناب الطاف حسین نے کہاکہ ایک ایسے وقت میں جبکہ پاکستان کے عوام ملک میں جاری دہشت گردی ،بم دھماکوں،مہنگائی اور دیگر مسائل کے باعث انتہائی خوف اورمایوسی کاشکارہیں ایسے میں پاکستان ٹیم کی یہ شاندارجیت مایوسی کا شکار لوگوں کے لئے سکون کا باعث اور مر جھائے ہوئے چہروں کے لئے خوشی ومسرت کا سامان ہے۔جناب الطاف حسین نے ٹیم کے کپتان مصباح الحق ،سینئرکھلاڑی شاہدآفریدی اورٹیم کے ایک ایک کھلاڑی کوشاندارجیت کی ڈبل ،ٹرپل مبارکبادپیش کی اور امید ظاہرکی کہ وہ اسی طرح شاندارکارکردگی کامظاہرہ کرتے ہوئے پاکستان کوکامیابی وکامرانی سے ہمکنارکرتے رہیں گے۔